+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

SQO-da para alǵan sheneýnikke 9 mln teńge aıyppul salyndy

2021 jylǵy 27 shilde 12:15
Bólisińiz:
SQO-da para alǵan sheneýnikke 9 mln teńge aıyppul salyndy

PETROPAVL. QazAqparat – Petropavl qalalyq ákimdiginiń kásipkerlik, aýyl sharýashylyǵy jáne veterınarııa bólimi basshysynyń mindetin atqarǵan sheneýnikke para alǵany úshin iri mólsherde aıyppul salyndy, dep habarlaıdy QazAqparat tilshisi.

Uqsas jańalyqtar
Jemqorlyqpen kúres agenttiginiń Qoǵamdyq keńesi quramyna kimder kirdi AShM qarasty «Fıtosanıtarııa» uıymynyń basshylyǵy para alý kúdigine ilindi ShQO-da para alǵan kóliktik baqylaý ınspektsııasynyń 11 qyzmetkeri ustaldy

SQO sybaılas jemqorlyqqa qarsy qyzmettiń «Antikorlive» ortalyǵynda Petropavl qalalyq ákimdiginiń kásipkerlik, aýyl sharýashylyǵy jáne veterınarııa bólimi basshysynyń mindetin atqarǵan sheneýnikke qatysty qylmystyq is boıynsha usynym qaraldy.

Sotqa deıingi tergeý barysynda bólim basshysynyń mindetin atqarýshy Jangýdın 24 aqpan kúni memlekettik satyp alý aıasynda kúzet agenttigimen kelisimshartqa otyrady. Kúzet agenttigi mal qorymdaryn patrýldep, kúzetýleri tıis bolǵan. Al tapsyrys berýshi tólemdi atqarylǵan jumystar aktisine qol qoıylǵannan keıin ǵana jasalýy tıis.

«Alaıda Jangýdın bas paıdasyn oılap, agenttik dırektoryna kelisim shart boıynsha táýlik boıy kúzetpeýge bolatynyn, «kóz juma» qaraǵany úshin aı saıyn 150 myń teńge syıaqy tólep turatynyn aıtqan.

Sheneýnik sáýir aıynda kúzet agenttigi dırektorynan alǵashqy syıaqysyn - 50 myń teńgeni qolma-qol, al 100 myń teńgeni karta esepshotyna aýdartyp jatqan jerinen sybaılas jemqorlyqqa qarsy qyzmet mamandarynyń qolyna tústi», - deıdi QR sybaılas jemqorlyqqa qarsy qyzmet Agenttiginiń SQO boıynsha departament basshysy mindetin atqarýshy Nurlan Jahın.

Petropavl qalalyq soty Jangýdındi aıypty dep tanyp, alǵan parasynan 60 ese artyq soma mólsherinde, ıaǵnı 9 mln teńge aıyppul saldy. Sondaı-aq eks-sheneýnik ómir boıyna memlekettik qyzmetten alastatyldy. Qarjymen baılanysty mekemelerde jumys isteı almaıdy.

Sot úkimi 25 maýsym kúni zańdy kúshine endi.

«Sybaılas jemqorlyqqa barǵan sheneýnik qoǵam aldynda memlekettik organnyń jáne barlyq memlekettik qyzmetshilerdiń abyroıyna nuqsan keltiredi. M.Jangýdınniń para alýyna Petropavl qalasy ákimi tarapynan qadaǵalaýdyń bolmaýy jáne aldyn alý jumystarynyń júrgizilmeýi jaǵdaı jasaǵan.

Mal qorymdarynyń kúzetilmeýi – qaýipti. Ony ashýdyń saldarynan sibir jarasy sııaqty qaýipti aýrý jem-shóp arqyly tórt túlikke taralýy múmkin.

Sol sebepti bolashaqta sybaılas jemqorlyqqa jol bermeý úshin aldyn alý jumystaryn qolǵa alýdy jáne Petropavl qalasy ákimdiginiń basshylyǵyn qatań tártiptik jaýapkershilikke tartýdy usynamyz», - deıdi Nurlan Jahın.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT