+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

SQO-da ótken oblystyq aıtystyń bas júldesin Muhammed Qońqaev aldy

2019 jylǵy 9 jeltoqsan 16:30
Bólisińiz:
SQO-da ótken oblystyq aıtystyń bas júldesin Muhammed Qońqaev aldy

PETROPAVL. QazAqparat – Petropavl qalasynda óńirdiń 18 aqynyn bas qosqan Táýelsizdiktiń 28 jyldyǵyna oraı «Qyzyrly Qyzyljar – qut besik» atty oblystyq aıtys ótti, dep habarlaıdy QazAqparat tilshisi.

Uqsas jańalyqtar
Qaraǵandy oblysynda jas aqyndar arasynda halyqaralyq aıtys ótti Qostanaıdaǵy aqyndar aıtysynyń jeńimpazy anyqtaldy Qostanaıdaǵy aqyndar aıtysynyń fınalyna shyqqandar belgili boldy

Uıymdastyrýshylardyń sózine qaraǵanda, oblysta osyndaı aýqymdy aıtys sońǵy ret 2016 jyly ótken eken. Buǵan deıin sahnaǵa shyǵarýǵa aıtysker aqyn tappaı qınalatyn uıymdastyrýshylar bul joly ulttyq án-jyrymyzdy dáripteıtin kórermenniń kóńilin tapty. 9 jup tól ónerge shóldegen halyqtyń qulaq quryshyn qandyrdy.

«Oblystyq aqyndar aıtysyn ótkizý úshin kórshi óńirlerden aqyndar shaqyratynbyz. Kóp bolsa oblystan 4-5 aqyn ǵana sahnaǵa shyǵatyn. Alǵash ret osylaısha 18 aqynymyz óner kórsetti. Taǵy bir ereksheligi, bul joly tórt býyn ókili aıtysty. Sýyryp salma aqyndarymyzdyń eń jasy 15-te bolsa, eń úlkenimiz – 60 jasta», - deıdi aıtysker aqyn, jyr dodasyn uıymdastyrýshy Jarqyn Juparhan.

Sahnaǵa shyqqan aqyndar halyqtyń kókeıinde júrgen áttegen-aılardy dóp basyp aıtyp, qoldaý-qoshemetke bólendi, ázil-qaljyńdy da umytpaı, jurtty kúlkige kómdi.

18 aqynnyń ishinen aıyrtaýlyq Muhammed Qońqaev, esildik Jumabek Raqymov, petropavldyq Qaıyrly Ǵafýrov jáne Mamlıýt aýdanynyń atynan aıtysqa túsken aqyn qyz Nurgúl Oqasheva sýyrylyp alǵa shyǵyp, bas júldeni bóliske saldy. Nátıjesinde Dáýqara aýylynyń týmasy, tájirıbeli aqyn, 24 jastaǵy Muhammed Qońqaev úzdik atanyp, 300 myń teńgeni ıelendi.

«Óte qýanyshtymyn. Jaqynda Júrsinniń júırikteriniń qataryna qosylyp, óńirimizdiń namysyn qorǵasam degen oıym bar», - deıdi oblystyq aqyndar aıtysynyń jeńimpazy Muhammed Qońqaev.

Birinshi oryn men 200 myń teńge júldeni Esil aýdanynyń týmasy Jumabek Raqymov, 2-oryn men 150 myń teńgeni aqyn Nurgúl Oqasheva jeńip aldy. Úshinshi oryn petropavldyq aqyn Qaıyrly Ǵafýrovqa buıyrdy.

Jemqorlyq máselelerin úzdik jyrlaǵan aıtyskerge - QR Sybaılas jemqorlyqqa qarsy is-qımyl agenttiginiń SQO boıynsha departamentinen arnaıy syıaqy taǵaıyndaldy. 100 myń teńgeniń sertıfıkaty Qyzyljar aýdanynyń aqyny Amanjol Zaǵyparǵa berildi.

Arnaıy júlde – 80 myń teńgege bes aqyn: Abzal Jumabek, Ózbek Tastambekov, Jantileý Raqymov, Maqsat Serik, Qýanysh Ospanov laıyq dep tanyldy. Budan basqa qatysqan barlyq aqyndarǵa yntalandyrý júldesi tabystaldy.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT