+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

SQO-da órt qaýpi basym maýsym bastalǵaly 300-den astam shaqyrtý túsken

2021 jylǵy 13 mamyr 05:36
Bólisińiz:
SQO-da órt qaýpi basym maýsym bastalǵaly 300-den astam shaqyrtý túsken

PETROPAVL. QazAqparat – Soltústik Qazaqstan oblysynda órt qaýipti maýsymy bastalǵaly órt sóndirýshilerge tynym joq. Bir aıdyń ishinde kepken shóp, qamys, qoqystyń janýyna qatysty 300-den astam shaqyrtý tústi, dep habarlaıdy QazAqparat tilshisi.

Uqsas jańalyqtar
ShQO-da qutqarýshylar 2 iri órtti sóndirdi Almatyda salynyp jatqan kópqabatty úıden órt shyqty Tarazdaǵy órt: 5 adam  qutqarylyp, 25- i evakýatsııalandy

SQO tótenshe jaǵdaılar departamenti baspasóz qyzmetiniń málimetinshe, kóktem-jaz ýaqytynda tirkeletin órtterdiń tek 5-10% ǵana ózdiginen tutnýdan nemese jaı túsýden bolady. Qalǵan ýaqytta orman, dala, alqap órtteri adamdardyń beıǵamdyǵynan, jaýapsyzdyǵynan týyndaıdy eken.

Óńirde órt qaýipti kezeń 12 sáýirden bastaldy. Osy aralyqta órt sóndirýshiler 300-den astam shaqyrtýǵa barǵan. Orman, ańshylyq sharýashylyqtardyń jumysshylarymen 8 orman órti sóndirildi.

«Mysal keltirý úshin alysqa barýdyń qajeti joq. 2 mamyr kúni Jelıakovo eldi mekeni mańynda kepken shópti jaǵýdyń saldarynan jalpy aýmaǵy 224 sharshy metr bolatyn 3 turǵyn úı, shamamen sonsha aýmaqty alǵan bos turǵan 3 úı jáne 501 sharshy metr qora-qopsy janyp ketti. Daýyldyń saldarynan kúsheıgen órtti sóndirý úshin 7 saǵat jumsadyq. Erikti órt sóndirý qurylymdary, jergilikti atqarýshy organ ókilderi kómekke keldi. Aýyldyń basqa úılerine taraýǵa jol bermedik», - deıdi SQO TJD basqarmasynyń bastyǵy Dmıtrıı Rastıhın.

Sóndirilmegen temeki tuqyly myńdaǵan gektar orman alqabyn kúlge aınaldyrýy múmkin. Sol sebepti mamandar tabıǵat aıasyna demalysqa shyqqanda qarapaıym erejelerdi umytpaýǵa shaqyrady.

«Otty jeldi kúni, órt qaýipti oryndarda jáne jas qylqan japyraqty aǵash ósken jerlerde jaǵýǵa bolmaıdy. Ot jaǵatyn oryndy aldyn ala túrli qoqystan, shópten tazartyp alǵan jón. Otty únemi baqylaýda ustaý kerek. Demalys ornynan otty sóndirgennen keıin jáne onyń sóngenine 100 % kóz jetkizip baryp ketý qajet. Al órt shyqqan jaǵdaıda ony birden sóndirýge tyrysyp, bolmaǵan jaǵdaıda orman sharýashylyǵyna, órt sóndirýshilerge nemese jergilikti atqarýshy organǵa habar bergen jón», - deıdi Dmıtrıı Rastıhın.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT