+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

SQO-da mereke qarsańynda mılıtsııa ardageriniń qurmetine memorıaldyq taqta ashyldy

2021 jylǵy 19 maýsym 09:42
Bólisińiz:
SQO-da mereke qarsańynda mılıtsııa ardageriniń qurmetine memorıaldyq taqta ashyldy

PETROPAVL. QazAqparat – Soltústik Qazaqstan oblysy Aqqaıyń aýdanynda Uly Otan soǵysy ardageri, KSRO ІІM qurmetti ardageri, mılıtsııa podpolkovnıgi Ivan Bondarenkoǵa memorıaldyq taqta ashyldy, - dep habarlaıdy QazAqparat tilshisi.

Uqsas jańalyqtar
SQO-da saılaýdyń alǵashqy qorytyndysy shyǵaryldy SQO-da COVID-19 juqtyrǵan 30 adam aýyr halde jatyr SQO-da bir jasar sábı koronavırýstan qaıtys boldy

SQO polıtsııa departamenti baspasóz qyzmetiniń málimetinshe, Aqqaıyń aýdanynda ótken saltanatty is-sharaǵa polıtsııa departamenti, aýdan basshylyǵy, jeke quram, ishki ister organdarynyń ardagerleri jáne ardagerdiń týysqandary qatysty.


Ivan Bondarenko maıdanǵa 1944 jyly attanǵan. 3-shi Belarýs maıdanynyń 132-shi shekara polkiniń quramynda soǵysqan. Ekinshi dúnıejúzilik soǵystyń ekinshi dárejeli ordenimen, «Erligi úshin», «Kenınıgsbergti alǵany úshin», «Germanııany jeńgeni úshin», mereıtoılyq medaldarymen marapattaldy. Maıdannan elge 1950 jyly oralǵan, sol kezden bastap mılıtsııada qyzmet etti. Aýdandyq polıtsııa bólimin basqardy. Budan joǵary laýazymdardan týǵan aýdanyna paıdasyn tıgizý úshin bas tartqan eken.


«Bir kúni onyń úıine qarýlanǵan adamdar keldi. Olar Ivan Danılovıchten qylmystyq istiń toqtatylýyn talap etti. Prıntsıpke berik adam bolǵandyqtan, ol «joq» dep jaýap berdi. Іs bastalyp aıaqtaldy...» - deıdi ardager týraly oblystyq máslıhattyń depýtaty Olga Klıshına.

Zeınet demalysyna shyqqan soń Ivan Danılovıch jeke qurammen tárbıe jumysyn júrgizdi.

«Іshki ister organdarynyń qurmetti qyzmetkerleriniń esimderimen kóshelerdi atap, memorıaldyq taqtalardy ashý ıgi dástúrge aınaldy. Búgingi is-shara - paryzǵa, Antqa, Otanǵa, tańdaǵan mamandyǵyna degen adaldyqtyń úlgisi atanýǵa laıyq adamdar týraly estelikterdi máńgilik saqtaý úshin jasalǵan qadam», - dedi SQO PD bastyǵy Marat Tólebaev.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT