+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

SQO-da memlekettik baǵdarlama aıasynda 12 sport nysany jóndeldi

2020 jylǵy 21 qazan 20:50
Bólisińiz:
SQO-da memlekettik baǵdarlama aıasynda 12 sport nysany jóndeldi

PETROPAVL. QazAqparat – Soltústik Qazaqstan oblysynda «Jumyspen qamtýdyń jol kartasy», «Eńbek» baǵdarlamasy aıasynda 422 mln teńgege 12 sport nysany jóndeldi, dep habarlaıdy QazAqparat tilshisi.

Uqsas jańalyqtar
Petropavlda 30 jyldan artyq bos turǵan tarıhı nysan jóndelip jatyr SQO ákimdigi qar ústine tóselgen asfaltqa qatysty jaǵdaıdy túsindirdi «Aqtóbe-Qandyaǵash» tasjolynyń qurylysy bıyl bastalady

SQO Dene shynyqtyrý jáne sport basqarmasy baspasóz qyzmetiniń málimetinshe, Qarttar aılyǵy aıasynda oblys ákiminiń orynbasary Ǵanı Nyǵymetov sport ardagerlerimen kezdesý ótkizip, bıyl jóndelgen sport nysandaryn aralady. 2020 jyly «Jumyspen qamtýdyń jol kartasy» jáne «Eńbek» baǵdarlamalary aıasynda jóndeý jumystaryna 422 mln teńge jumsaldy, bul ótken jyldan eki ese kóp. Nátıjesinde 12 sport nysany jónge keltirildi.

Borkı kentindegi shańǵy bazasynyń aýmaǵyn abattandyrýǵa jalpy 88 mln teńge jumsaldy. Qazir bul jerde shańǵyshylar men bıatlonshylardan basqa sporttyń basqa túrleri boıynsha da komandalar jattyǵady. Sondaı-aq jergilikti turǵyndar velosıpedpen, rolıkpen syrǵanaýǵa jáne jaı serýendeýge osynda keletin bolǵan.


«Qarasaı» stadıonynda rolıkodrom jóndelip, qorshaýy men kire berisi jańalandy. Tartan jabyny aýystyryldy. Osy maqsatqa 100 mln astam teńge jumsaldy.

Jóndeý kórgen ǵımarattardyń biri - «Delfın» olımpııada rezervindegi balalar men jasóspirimderge mamandandyrylǵan sport mektebi. Munda 13 mln teńgege jóndeý júrgizilip, balalardyń sportpen aıalysýyna jaǵdaı jaqsardy.

«Sport nysandarynda jóndeý júrgizilip jatqanda men atqarylyp jatqan jumystyń sapasyn kórý úshin tekserdim. Nátıjesi kóńilden shyǵyp otyr. Nysandardaǵy jóndeý jumystary sapaly, ári belgilengen merzimde aıaqtaldy. Endi tek kásibı sportshylar ǵana emes, sonymen qatar qarapaıym qala turǵyndary, balalar, jastar da sportpen tegin aınalysýǵa múmkindik aldy», - dedi kezdesýde Ǵanı Nyǵymetov.

SQO-da bıyl óńir basshysy Qumar Aqsaqalovtyń qoldaýymen tek sport salasy boıynsha jóndeý jáne qurylys jumystaryna ǵana jalpy somasy 4,6 mlrd teńge bólindi. Qazir oblysta alty dene shynyqtyrý-saýyqtyrý kesheni salynyp jatyr. Budan basqa aýdan ortalyqtarynda bes jabyq hokkeı kortynyń quyrylysy júrgizilýde.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT