+7 (701) 759 90 19
USD 426.39 EUR 504.16
RUB 5.87 CNY 66.28
Jańalyqtar

SQO-da Mamlıýtka qalasynyń ákimin saılaýǵa 4 ýchaskede daýys berilip jatyr

2021 jylǵy 25 shilde 13:59
Bólisińiz:
SQO-da Mamlıýtka qalasynyń ákimin saılaýǵa 4 ýchaskede daýys berilip jatyr

PETROPAVL. QazAqparat – Soltústik Qazaqstan oblysynda 70 aýyldyq okrýg pen 1 aýdandyq mańyzy bar qala ákimin saılap jatyr. Mamlıýtka qalasy ákimine 3 kandıdat bar, dep habarlaıdy QazAqparat tilshisi.

Uqsas jańalyqtar

Mamlıýtka qalasyndaǵy №324 saılaý ýchaskesinde 1610 adam búgin óz tańdaýyn jasaıdy. Jalpy qala ákimin tańdaý úshin 4 saılaý ýchaskesi jumys istep jatyr. Eldegi epıdemıologııalyq jaǵdaı eskerilip, árqaısysynda sanıtarııalyq talaptar saqtalǵan. ıAǵnı kireberiste saılaýshylardyń dene qyzýy ólshenedi, maska taǵyp kirýi mindettelip, ózderimen birge ákelmegenderge maska men qolǵap úlestirilip jatyr.

Mamlıýtka qalasynyń turǵyny Krıstına Najmýtdınova saılaýǵa alǵash ret qatysyp otyr. Ol bıyl qańtarda 18 jasqa toldy. Bul ýchaskede Krıstına sekildi taǵy bes adam alǵash ret óz tańdaýyn jasamaq.

«Men Mamlıýtka qalasynyń turǵynymyn, osynda týyp, óstim. Búgin saılaýǵa daýysymdy berýge otbasymmen birge keldim. Bul naýqannyń mańyzdylyǵyn jaqsy túsinemin. Búgingi tańdaýymyz arqyly biz bolashaǵymyzdy aıqyndaımyz. Bizdiń turmysymyz tikeleı olardyń jumysyna baılanysty ǵoı. Jaqsy jaǵdaı jasalýy úshin sol jumysty atqaratyn ákimdi saılaımyz. Al bul úlken jaýapkershilik. Kim jeńse de halyqqa bergen ýádelerin umytpaı, oryndasa eken», - deıdi Krıstına Najmýtdınova.

Mamlıýtka qalasy ákiminen úmitkerlerdiń bireýi - «Nur-Otan» partııasynan, qalǵan ekeýi ózin-ózi usynǵandar. Jalpy, Mamlıýt aýdanynda 3 aýyldyq okrýg ákimi jáne bir qala ákimi saılanady. Aýdanda barlyǵy 10 saılaý ýchaskesi jumys istep jatyr.

«Saılaýshylardyń eń kóbi ıaǵnı 5 366 adam Mamlıýtka qalasynda. Ákim bolýdan 12 adam úmitker. Sonyń 4-i «Nur Otan» partııasynan jáne 8-i ózin-ózi usynǵandar», - deıdi Mamlıýt aýdany saılaý komıssııasynyń tóraǵasy Dangole Mogýnova.

Ekaterına Mýstafına mektepte eden jýýshy bolyp jumys isteıdi. Ol Mamlıýtkada 20 jylǵa jýyq turyp keledi. Qalanyń problemalary oǵan jaqsy tanys.

«Qala ákimin ózimizge saılaýǵa múmkindik bergeni durys sheshim. Óıtkeni ákimder halyq úshin jumys isteıdi ǵoı. Jalpy qalamyz jyldan-jylǵa kórkeıip keledi. Sonda da áli de sheshilýi tıis máseleler barshylyq. Máselen keı kóshelerde joldyń sapasy nashar, sý máselesi tolyq sheshilse eken», - deıdi Ekaterına Mýstafına.

Al ózdiginen júre almaıtyndarǵa, densaýlyǵyna baılanysty úıden shyǵa almaıtyndarǵa daýys berý jáshigi aparylady. Mamlıýt aýdany boıynsha osyndaı 154, al qalada 116 adam bar eken.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT