+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

SQO-da mal urlady degen kúdikpen Kókshetaý qalasynyń úsh turǵyny ustaldy

2021 jylǵy 22 qyrkúıek 16:38
Bólisińiz:
SQO-da mal urlady degen kúdikpen Kókshetaý qalasynyń úsh turǵyny ustaldy

PETROPAVL. QazAqparat – Soltústik Qazaqstan oblysynda bir jyl boıy turǵyndarǵa tynyshtyq bermeı, maldaryn qoldy etken urylar ustaldy, dep habarlaıdy QazAqparat tilshisi.

Uqsas jańalyqtar
SQO-da ákimshilik qamaýdan bosaǵan er adam kólik aıdap ketken Epıdjaǵdaı nasharlaıtyn bolsa, Soltústik Qazaqstan tolyq lokdaýnǵa qaıta oralmaq Almatyda qylmys deńgeıi 5,4% tómendedi

SQO polıtsııa departamenti baspasóz qyzmetiniń málimetinshe, Aıyrtaý aýdany polıtsııa bóliminiń qyzmetkerleri mal urlady degen kúdikpen Kókshetaý qalasynyń úsh turǵynyn ustady. Olardy qolǵa túsirý úshin polıtseıler birneshe aı boıy jedel is-sharalar júrgizdi. Qaskóıler ótken jyly kúzde túnde Qoskól aýylynda qoranyń qulybyn buzyp kirip, jylqyny jetektep ketken. Urlyqty «izin sýytpaı» ashý múmkin bolmady, alaıda izdestirý jumystary bir sátke de toqtatylmady. Aýyl mańyndaǵy ormannan janýardyń ishek-qaryny jáne terisi tabyldy.

Taǵy bir urlyq osy aýdanda bıyl kóktemde jasalǵan. Egindiaǵash aýyly turǵynynyń dalada erkin jaıylyp júrgen buqasy urlanǵan. Mal ıeleri polıtsııaǵa birneshe kúnnen soń ǵana aryzdanypty.

«Bul qylmystardyń ashylýyn baqylaýda ustadym. Mal – aýyl turǵyndarynyń keıbiri úshin jalǵyz tabys kózi. Qyrkúıekte qylmys jasady degen kúdikpen úsh kókshetaýlyq ustaldy. Búgingi kúni olar aýyldyqtardyń shyǵynyn ótedi», - deıdi Aıyrtaý aýdanynyń polıtsııa bóliminiń bastyǵy Marat Serkeshev.

Osy derekke qatysty qazirgi ýaqytta «Mal urlyǵy» baby boıynsha sotqa deıingi tergeýler júrgizilip jatyr. Baptyń sanktsııasy 5 jyldan 10 jylǵa deıin bas bostandyǵynan aıyrý jazasyn qarastyrady. Ustalǵandar qamaýda otyr.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT