+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

SQO-da qyzyl qurtty zańsyz aýlaǵan adam ustaldy

2019 jylǵy 16 qyrkúıek 20:52
Bólisińiz:
SQO-da qyzyl qurtty zańsyz aýlaǵan adam ustaldy

PETROPAVL. QazAqparat – Soltústik Qazaqstan oblysynda baǵaly shaıan - artemia salina-ny zańsyz aýlaǵan kúdikti qolǵa tústi, dep habarlaıdy QazAqparat tilshisi.

Uqsas jańalyqtar
Eń jas ekobelsendi: Eshkim sýdy tıimdi paıdalanyp jatqan joq Aıgúl Soloveva: Prezıdent ekologııa máselesin júıeli túrde sheshýdi tapsyrdy Ásel Baımuqanova: Prezıdenttiń ekologııa salasyndaǵy bastamasy qazir asa mańyzdy

SQO polıtsııa departamenti baspasóz qyzmetiniń málimetinshe, Jambyl aýdanynda reıdtik is-shara kezinde 41 jastaǵy aýyl turǵyny tizgindegen «VAZ-2107» toqtatyldy. Kólikti tekserý kezinde artyndaǵy tirkemeden artemia salina shaıandary salynǵan 9 qap tabyldy. Júrgizýshiniń jándikterdi aýlaýǵa ruqsat qujattary bolmaı shyqqan. Atalǵan fakti QR Qylmystyq kodeksiniń 335-baby «Balyq resýrstaryn, basqa da sý janýarlaryn nemese ósimdikterin zańsyz alý» boıynsha Sotqa deıingi tergep-tekserýdiń biryńǵaı tizilimine engizildi. Qaptar tárkilenip alynyp, qajetti saraptamalar taǵaıyndaldy.

Osyǵan uqsas fakti Taıynsha aýdanynda da anyqtalǵan.

«Búgingi tańda brakonerlik úshin jaýapkershilikti kúsheıtý týraly usynystar keńinen talqylanýda. Qazirgi ýaqytta Soltústik Qazaqstan oblysynda qustardy aýlaý maýsymy ashyldy. Sonymen birge sibir eliginiń tekesin atýǵa ruqsat berildi.

Bul kúnderi qarýdy ustaý jáne tasymaldaý erejeleriniń buzýshylyqtary kezdesýde. Máselen, Jambyl aýdanynda jol talǵamaıtyn kólik toqtatylyp, salondaǵy artqy oryndyqtan 12 kalıbrli «MTs-2112» markaly oqtalǵan ańshy myltyǵy tabyldy. Júrgizýshige qatysty QR Ákimshilik quqyq buzýshylyq týraly Kodeksiniń 382-baby «Janýarlar dúnıesin paıdalaný talaptaryn jáne ań aýlaý qaǵıdalaryn buzý» boıynsha ákimshilik hattama toltyryldy», - deıdi oblystyq PD Tabıǵtty qorǵaý polıtsııasy bólimshesiniń bastyǵy Sergeı Lıpko.

Bir kún buryn dál osyndaı buzýshylyq úshin Maǵjan Jumabaev aýdanynyń turǵyny jaýapkershilikke tartyldy. Ol myltyǵyn qapsyz tasymaldaǵan. Ańshylyq ornyna qarý oqtalmaǵan jáne qaptalǵan qalpynda jetkizilýi tıis. Ańdardy atý kezindegi úziliste, bir jerden ekinshi jerge aýysqan jaǵdaıda oq alynyp tastalýy kerek.

Balyq aýlaý erejelerin óreskel buzatyndar da kezdesedi. Tabıǵatty qorǵaý polıtsııasynyń qyzmetkerleri sıntetıkalyq materıaldan jasalatyn qytaılyq aýlardyń qoldanylýynyń zańsyz ekenin aıtýda. Mundaı aýlar jyrtylyp qalǵan soń biraz jyldar boıy sý ishinde saqtalyp, sý janýarlarynyń ósip-ónýine kedergi keltiredi.

Jalpy jyl basynan tabıǵatty qorǵaý polıtseıleri ańshylyqqa qatysty 300-den astam jáne balyq aýlaýǵa baılanysty 200-den astam ereje buzýshylyqty anyqtady.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT