SQO-da qýyrshaq teatrynyń qoıylymdary teledıdardan kórsetilmek

PETROPAVL. QazAqparat – Soltústik Qazaqstan oblysynda qýyrshaq teatry karantın ýaqytynda da óz kórermenderimen qoshtaspaı, qoıylymdarynyń telenusqasyn jergilikti telearna arqyly kórsetpek, dep habarlaıdy QazAqparat tilshisi.
SQO qýyrshaq teatry elimizdegi tótenshe jaǵdaıǵa baılanysty qashyqtan eńbek etip jatyr. Búginde ujymnyń 70% astamy úıde otyryp eńbek etse, teatrda ákimshilik pen kúzet mamandary jáne nysanǵa dezınfektsııa jasap otyrý úshin tehnıkalyq qyzmet jumys istep jatyr.
Qýyrshaq teatrynyń repertýarynda búginde 50-den astam spektakl bar. Jyl saıyn óner ujymy kórermen nazaryna eń keminde tórt jańa spektakl usynady. Birer aı buryn reseılik tanymal rejısser Borıs Hodyrevtiń jetekshiligimen «Kóńildi adamdar» spektakli balalardyń nazaryna usynylǵan edi. Endi osy jáne repertýardaǵy basqa da qoıylymdar «Qyzyljar» telearnasy arqyly kishkentaı kórermen nazaryna usynylmaq.
«Biz ár qoıylymnyń telenusqasyn jasaǵanbyz. Bul bizge jumys barysynda da qajet. Kópten beri sahnalanbaǵan spektakldi osy telenusqany qarap otyryp eske túsiremiz, jiberilgen qatelikter bolsa sony túzetýge de jaqsy. Spektaklderimizdiń 80 % eki tilde sahnalanǵan. Qoıylymdardyń ýaqyty 35 mınýttan 50 mınýtqa deıin», - deıdi oblystyq qýyrshaq teatry dırektorynyń orynbasary Valentına Mostıpan.
Valentına Mostıpannyń aıtýynsha, qýyrshaq teatrynyń tigin tsehy maska tigýdi qolǵa aldy. Tiginshiler kóp rettik maskalardy ujym jáne óz zeınetkerlerine ǵana úlestirip qoımaı, turmysy tómen otbasy múshelerine de tegin taratyp jatyr.
- Almatyda modýldi gospıtal qaıta ashylady
- Almatyda ınfektsııalyq aýrýhana qarajatyn jymqyrýǵa qatysty tergeý bastaldy
- Aqmolada keıbir dúken-bazarlar karantınge qaramastan demalys kúni jumys istegen
- Koronavırýs: Aýyr halde jansaqtaý bólimine túsken Meırambek Besbaevtyń jaǵdaıy jaqsardy
-
Aqtóbede koronavırýs ınfektsııasyna shaldyqqandar sany artty
-
SQO-da emdeý mekemesine tsıfrlyq angıograf ornatyldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam