+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

SQO-da qutqarýshylar óz qatarlaryna eriktilerdi qabyldamaq

2019 jylǵy 16 qazan 20:10
Bólisińiz:
SQO-da qutqarýshylar óz qatarlaryna eriktilerdi qabyldamaq

PETROPAVL. QazAqparat – Soltústik Qazaqstan oblysynda azamattyq qorǵanys salasyna erikti jastar tartylmaq, dep habarlaıdy QazAqparat tilshisi.

Uqsas jańalyqtar

SQO Tótenshe jaǵdaılar departamenti baspasóz qyzmetiniń málimetinshe, vedomstvoda eriktiler qozǵalysynyń qyzmeti týraly, olardy mańyzdy is-sharalarǵa tartý, eriktilerdi tótenshe jaǵdaı kezindegi áreketterge jáne alǵashqy medıtsınalyq kómek kórsetýge daıarlaý máselelerine arnalǵan semınar-keńes ótti. Oǵan jastar, qoǵamdyq uıym ókilderi qatysty.

«Eriktiler izdeý-qutqarý jumystaryna jıi qatysady. Bul olardyń azamattyq ustanymdarynyń joǵary ekendiginiń kórsetkishi. Alaıda olar mundaı is-sharalarda ózderin qalaı ustaý, qalaı áreket etý qajettigi jóninde, tipti qaýipsizdik tehnıkasy týraly bile bermeıdi», - deıdi SQO TJD azamattyq qorǵaý salasyndaǵy apat táýekelderin tómendetý jáne baqylaý basqarmasynyń bastyǵy Igor Baleev.

Igor Baleevtiń pikirinshe, qutqarýshylarmen birge júrip, olardyń jumysyna aralasqan jastar ómirlik sabaq alady. Órt, kóktemgi sý tasqyny kezinde zardap shekkenderge kómektesip, adamgershilik qasıetter men rýhanı qundylyqtardyń mánin uǵady. Azamattyq qorǵanys salasyna kelgen eriktiler turǵyndarmen tek túsindirý, aldyn-alý jumystaryn ǵana júrgizip qoımaı, halyqqa naqty kómek kórsetýi tıis.

Kezdesý barysynda departament mamandary kásibı daıyndyǵy bar eriktilerdi daıarlaýǵa óz kómekterin usyndy. ıAǵnı jastardy tótenshe jaǵdaılarda durys áreket etý erejelerimen tanystyryp, olarǵa zardap shekkenderge alǵashqy medıtsınalyq jáne psıhologııalyq kómek berý daǵdylaryn úıretpek.

Mamandardyń aıtýynsha, bıyl SQO-da kóktemgi sý tasqyny jáne shomylý maýsymy qarsańynda eriktiler halyq arasynda túsindirý jumystaryn júrgizýge kómektesti. Jastardyń qatysýymen 453 reıd ótti. 100 shaqty volonter turǵyndarǵa qaýipsizdik erejeleri jazylǵan jadynama paraqshalaryn taratty.

Erikti bolýdy qalaıtyndar úshin SQO Tótenshe jaǵdaı departamentiniń saıtynda «Qalaı azamattyq qorǵanys salasynyń volonteri bolýǵa bolady» (http://sqo.emer.gov.kz/) bólimi qurylǵan.




Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT