+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

SQO-da qusbegilerdiń respýblıkalyq chempıonaty bastaldy

2020 jylǵy 20 aqpan 18:30
Bólisińiz:
SQO-da qusbegilerdiń respýblıkalyq chempıonaty bastaldy

PETROPAVL. QazAqparat – Soltústik Qazaqstan oblysy elimizdegi qusbegileriniń basyn qosty. Beskól aýylynda 12 komanda qatysqan Qazaqstan chempıonaty ótip jatyr, dep habarlaıdy QazAqparat tilshisi.

Uqsas jańalyqtar
Qazaqstandyq sportshy jas álemdik juldyzdardyń úzdik ondyǵyna endi Qazaqstandyq bendı sheberi Norvegııa chempıonatynyń úzdik oıynshysy atandy Fýtzal: Qazaqstandyq qaqpashy álemniń úzdigi atandy

SQO Dene shynyqtyrý jáne sport basqarmasynyń málimetinshe, qusbegilerdiń HIV respýblıkalyq chempıonaty Qyzyljar aýdany Beskól aýylyndaǵy «Qulager» ıppodromynda ótip jatyr. Jarystyń bul túri óńirde alǵash uıymdastyrylyp otyr. Oǵan Nur-Sultan, Almaty qalalarynan jáne Aqmola, Almaty, Jambyl, Atyraý, Shyǵys Qazaqstan, Túrkistan, Qaraǵandy, Mańǵystaý, Pavlodar jáne Soltústik Qazaqstan oblysynan 12 komanda qatysýda. Ár komandada úsh sportshydan bar. Olar jarys barysynda búrkit, ıtelgi jáne qarshyǵany ań-qusqa salmaq.

Sporttyq sharany oblys ákiminiń orynbasary Rýslan Álishev ashyp, bul deńgeıdegi báseke óńirde ulttyq sport túrlerin damytyp, jańa deńgeıge shyǵarýǵa serpin beretinine senim bildirdi. Qyzyljarlyq sportshylar sporttyń bul túrine tek úshinshi jyl ǵana qatysyp otyr.

SQO-daǵy Aqjar aýdanynyń turǵyndary, aǵaıyndy Aqylbek pen Aqan Qalıevter jyrtqysh qustardy asyrap, baptaýmen bes jyldan beri aınalysyp keledi. Osy jarysta joldary bolatyndyǵyna senimdi.

«Erteń erkin ushyrý, shyrǵaǵa salý bolady. Sosyn ıtelgi men qarshyǵany jarysqa qosamyz. Itelgini qolǵa shaqyryp, kógershinge salady, dalbaı oınatý degen bar. Qarshyǵany da sóıtemiz. Osy úsh túrinen jarys ótedi. Árqaısynyń kórsetetin ónerleri ár túrli. Al úshinshi kúni qoıanǵa salýdan jarysady», - deıdi Qazaqstannyń qusbegilikten aǵa jattyqtyrýshysy Bazarbek Kúntýǵanuly.

Qusbegiler búgin ekstremaldy jaǵdaıda jarysty. Degenmen qanat qaǵysy eki metrge deıin jetetin búrkitterge daýyldy jel durys ushýǵa múmkindik bermedi.

Jalpy chempıonat úsh kúnge jalǵasady.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy