+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

SQO-da qus tumaýyna baılanysty 10 eldimeken karantınge jabyldy

2020 jylǵy 17 qyrkúıek 12:49
Bólisińiz:
SQO-da qus tumaýyna baılanysty 10 eldimeken karantınge jabyldy

PETROPAVL. QazAqparat – Soltústik Qazaqstan oblysynda qus tumaýynyń taralýyna baılanysty 7 aýdannyń 10 eldimekeni karantınge jabyldy, dep habarlaıdy QazAqparat tilshisi.

Uqsas jańalyqtar
Saparhan Omarov Túrkııanyń agroónerkásip salasynyń ókilderimen kezdesti Sozaq aýdanynda túıe sharýashylyǵyn damytý jandanyp keledi 9 aıda aýyl sharýashylyǵynyń jalpy ónim kólemi 4,4 trln teńgeni qurady

SQO aýmaǵynda qus tumaýynyń anyqtalýyna baılanysty tıisti vedomstvo basshylary men ókilderiniń qatysýymen brıfıng ótti.

Zerthana qorytyndysyna sáıkes aýrýdyń taralýyna jol bermeý maqsatynda oblystaǵy Tımırıazev, Taıynsha, Jambyl, Qyzyljar, Shal aqyn, Ǵ.Músirepov, M.Jumabaev - 7 aýdannyń 10 eldimekeni karantınge jabylady.

«Karantın talabyna saı bul eldimekenderge kirip-shyǵý shekteledi. Kirip-shyqqan kólikterdi zalalsyzdandyrý úshin kireberisterde dezınfektsııalyq tosqaýyldar qoıylady. Halyqtyń tirshiligin qamtamasyz etetin uıymdardyń, quqyq qorǵaý, medıtsınalyq jáne veterınarlyq qyzmetterdiń kólikteri veterınarlyq qaýipsizdikti saqtaı otyra kedergisiz júredi. Karantındik aımaqtardan tiri qustardy, qus ónimderin, qaýyrsyny men mamyǵyn, jemazyqty jáne qus sharýashylyǵynda qoldanylǵan qondyrǵylardy shyǵarýǵa tyıym salynady», - deıdi SQO veterınarııa basqarmasynyń basshysy Berik Áljanov.

Respýblıkalyq bıýdjet esebinen qusy qyrylǵan turǵyndarǵa ótemaqy beriledi. Ol úshin arnaıy komıssııa qurylǵan. Qustyń túrine, jynystyq-jastyq tobyna qaraı naryqtaǵy ortasha baǵasy boıynsha ótemaqy tólenbek.

«Qus tumaýynan qutylý úshin aýrý qustardy joıý kerek. Qustar alynyp, órteledi. Bul jumystarmen respýblıkalyq epızootııaǵa qarsy otrıadtar aınalysady. Olar qustardy alý barysynda qujat toltyryp, onda qustyń túrin, jynystyq-jastyq tobyn kórsetedi. Keıin bul qujat ótemaqy tóleýge negiz bolady», - deıdi Berik Áljanov.

Al aýrý juqtyrmaǵan qustarǵa ekpe jasalyp, olar veterınarlyq dárigerlerdiń baqylaýynda bolady.

Karantın aýrýdyń sońǵy jaǵdaıy tirkelgen kúnnen keıin 3 apta ótisimen alynady.

Aıta keteıik, buǵan deıin Aýyl sharýashylyq mınıstrligi SQO-nyń 7 aýdanynda qus tumaýynyń oshaǵy anyqtalǵanyn habarlaǵan bolatyn.
Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT