+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

SQO-da qus tumaýy tabylǵan aýylda barlyq qus joıylatyn boldy

2021 jylǵy 28 qyrkúıek 17:51
Bólisińiz:
SQO-da qus tumaýy tabylǵan aýylda barlyq qus joıylatyn boldy

PETROPAVL. QazAqparat – Soltústik Qazaqstan oblysynda qus tumaýynyń taralýyna jol bermeý úshin aýrý oshaǵyndaǵy barlyq qus joıylmaq, al onyń ıelerine ótemaqy tólenetin boldy, dep habarlaıdy QazAqparat tilshisi.

Uqsas jańalyqtar
SQO-da qus tumaýyna baılanysty 2 myńnan astam úı qusy alynyp, joıyldy Tereńkól aýdanynda qus tumaýyna baılanysty karantın engizildi - Pavlodar oblysy Petropavlda turmysy nashar 140 otbasy polıtsııa esebinde tur

SQO-da qus tumaýynyń tirkelýine baılanysty respýblıkalyq komıssııa keldi. QR AShM veterınarlyq baqylaý jáne qadaǵalaý komıteti tóraǵasynyń mindetin atqarýshy Baýyrjan Abyzbaev basqarǵan jumys toby aýrý oshaǵy – M.Jumabaev aýdany Lebıaje eldi mekeninde boldy. Qus tumaýynyń taralýyna jol bermeý maqsatynda atqarylyp jatqan sharalarmen tanysyp, turǵyndar arasynda túsindirý jumystaryn júrgizdi. Bul jaıynda SQO veterınarııa basqarmasynyń basshysy Berik Áljanov áleýmettik jelidegi paraqshasynda habarlady.

«Infektsııa oshaǵyn oqshaýlaý jáne joıý maqsatynda eldi meken aınalasy jyrtyldy. Aýylǵa kireberiske kelip-ketýshi kólikke dezınfektsııalyq kedergi qoıyldy. Epızootııalyq tizbekti úzý maqsatynda aýrý oshaǵyndaǵy barlyq qusty joıý týraly sheshim qabyldandy. Qus ıelerine tolyq mólsherde ótemaqy tólenedi», - dep jazdy Berik Áljanov.

Basqarma basshysynyń aıtýynsha, epızootııalyq jaǵdaı baqylaýǵa alynǵan. Oblystyń basqa eldi mekenderine qaýipti ınfektsııa taralmaýy úshin barlyq tıisti is-sharalar – vaktsınatsııa, turǵyndar arasynda túsindirý jumystary júrgizildi, qus pen qus ónimderi baqylaýǵa alyndy.

Esterińizge salaıyq, 27 qyrkúıek kúni SQO M.Jumabaev aýdanyndaǵy Lebıaje eldi mekeni qus tumaýynyń tirkelýine baılanysty karantınge jabylǵan edi. Bul aýylda myńnan astam úı qusy qyrylyp qaldy.



Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT