SQO-da kúre joldardyń boıyna jyly dárethanalar ornatylmaq
PETROPAVL. QazAqparat – Soltústik Qazaqstan oblysynda respýblıkalyq mańyzy bar avtojoldardyń boıyna jyly dárethanalar ornatylatyny josparlanǵan, dep habarlaıdy QazAqparat tilshisi.
«QazAvtoJol» UK» AQ Soltústik Qazaqstan oblystyq fılıalynyń basshysy Bolatbek Aıtbaevtyń aıtýynsha, jyly dárethanalardy kúre joldardyń boıyna ornatý jumystary bıyl bastalmaq. Alǵashqylary Pokrovka, Dragomırovka, Roınskoe, Saýmalkól, Presnovka, Chkalovo, Kishkenekól eldi mekenderiniń, Býlaev, Mamlıýtka qalalarynyń jáne «Jańajol» men «Qaraqoǵa» shekara ótkizý beketteriniń janynda turǵyzylady.
«Dárethanalardy ınvestıtsııalyq qarjyǵa ornatýdy josparlap otyrmyz. Keıin bul nysandardy óz qarajatymyzǵa kútip ustaıtyn bolamyz», - deıdi Bolatbek Aıtbaev.
Fılıal buǵan deıin «Kókshetaý-Omby» avtojolynyń Chkalovo eldi mekeniniń mańynda «Kaz Way» jol pavılonyn salatynyn aıtty. Nysannyń ishinde jyly dárethana men avtobýs aıaldamasy bolmaq.
SQO-da jol boıynda qyzmet kórsetý nashar damyǵan. Muny óńir basshysy Qumar Aqsaqalov talaı synǵa aldy. Jyl basynda ótken jıyndardyń birinde oblystaǵy jol boıynda ornalasqan qyzmet kórsetý nysandarynyń 70% talapqa saı emestigi aıtylǵan edi.
- Pandemııa kezinde turǵyndardyń taýǵa barýy tórt esege artty — Baqytjan Saǵyntaev
- Qazaqstan men Túrkııa arasyndaǵy áýe reısteri qysqartylmaq
- SQO-da úshem dúnıege keldi
- SQO-da ótken táýlikte 6 jol ýchaskesin sý basty
-
UBT: Petropavlda 6 oqýshynyń test nátıjesi jaramsyz dep tanyldy
-
Qytaıda túıelerge arnalǵan álemdegi alǵashqy baǵdarsham paıda boldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam
