+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

SQO-da koronavırýsty juqtyrǵandardyń jartysyna jýyǵy — 50 jastan asqandar

2020 jylǵy 22 qazan 18:27
Bólisińiz:
SQO-da koronavırýsty juqtyrǵandardyń jartysyna jýyǵy — 50 jastan asqandar

PETROPAVL. QazAqparat – Soltústik Qazaqstan oblysynda koronavırýs juqtyryp jatqandardyń kóbi — 60 jastan asqandar, olar barlyq naýqastardyń 26% qurap otyr, dep habarlaıdy QazAqparat tilshisi.

Uqsas jańalyqtar
Túrkistanda kópbalaly medıtsına qyzmetkerlerine kómek kórsetildi Almaty ákimdigi juqpaly aýrýlar aýrýhanasynan túsirilgen vıdeoǵa qatysty túsinikteme berdi Vaktsına almaǵan balalar sırek aýyrady - feık

SQO óńirlik kommýnıkatsııalar qyzmetinde karantındik sharalardy kúsheıtý jáne koronavırýstyń ekinshi tolqynynyń aldyn alýǵa arnalǵan brıfıng ótip, mamandar oblystaǵy qazirgi jaǵdaıǵa toqtaldy.

SQO Taýarlar men kórsetiletin qyzmetterdiń sapasy men qaýipsizdigin baqylaý departamentiniń mamany Aınash Saǵyndyqovanyń aıtýynsha, sońǵy eki aptada KVI-men aýyrǵandar sany 1,5 esege artyp, 157-ge jetken. Onyń 37 %-i – 58 jaǵdaıda ınfektsııa juqtyrǵandar shetten kelgen.

«Qaýipti ınfektsııany juqtyrǵandar sanynyń artýynyń birneshe sebebi bar. Halyqtyń 21% nemese 117 myń adam testileýden ótti, ótken aptamen salystyrǵanda testileýmen qamtý 4 541-den 7414-ke deıin jetti. Sonymen qatar, josparly jáne shuǵyl aýrýhanaǵa jatqyzý kólemi 17% -ǵa ósti, búginde aýrýhanaǵa jatqyzý kezinde KVI-ǵa materıal alynady. Oblysta KVI jaǵdaılary barlyq jas sanattarynda baıqaldy, eń úlken úles 60 jáne ol jastan asqandar - 26% (1128 jaǵdaı), 50-59 jasta - 20% (8557 jaǵdaı), 30-39 jasta - 18% (728 jaǵdaı), 40-49 jasta - 14% (605 jaǵdaı), 19-29 jasta - 14% (569 jaǵdaı), 14 jasqa deıingi balalar arasynda - 8% (347 jaǵdaı) jáne 15-18 jas aralyǵyndaǵy úles tek 2% quraıdy (92 jaǵdaı)», - deıdi Aınash Saǵyndyqova.

Mamandardyń aıtýynsha, qaýipti aýrýdyń birinshi tolqynynda negizinen 40-49 jas pen 30-39 jas aralyǵyndaǵylar aýyrsa, búginde 60 jastan asqandar arasynda juqtyrǵandar jıi kezdesedi.

«Qazir Reseıde turatyn týystaryna bir ret baryp-kelýge ruqsat bar. Sony kórshi memlekette aýrýdyń órship turǵanyna qaramastan kópshilik paıdalanýda. Ásirese zeınetkerler úıde otyrmaıtyn bolǵan. Ol jaqtan aýyryp kelip jatyr. Ótken eki aptada 157 jaǵdaı tirkelse, sonyń 58-inde syrttan kelgenderde anyqtalǵan. Osy 58 jaǵdaıdyń 38-i – zeınetkerler. Biz sizderden óz bastaryńyzdy, týǵan-týystaryńyz ben, aınalańyzdaǵylardyń densaýlyqtary men ómirlerin qaýip-qaterge tikpeı, úıde otyrýlaryńyzdy, júrip-turýdy shekteýlerińizdi suraımyz», - dedi SQO Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Tatıana Gorlova.

Qazir Reseımen shekarada 3 beket bar. Bir aptanyń ishinde osy jerden 4059 adam ótken.

«352 adamnyń ózimen birge PTR testiniń nátıjesi bolmady. Karantınge alynyp, test tapsyrdy. Solardyń 20-synan KVI anyqtaldy. Olardyń 13-i SQO -dan bolsa, qalǵandary basqa óńirlerdiń turǵyndary. Sheteldik 8 adam eline qaıtaryldy», - dedi Tatıana Gorlova.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT