+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

SQO-da koronavırýs juqtyrǵan áıel oblys aýmaǵynan shyqpaǵan

2020 jylǵy 31 naýryz 15:05
Bólisińiz:
SQO-da koronavırýs juqtyrǵan áıel oblys aýmaǵynan shyqpaǵan

PETROPAVL. QazAqparat – Soltústik Qazaqstan oblysynda koronavırýs ınfektsııasyn juqtyrǵan ekinshi adam – 40 jastaǵy áıel, dep habarlaıdy QazAqparat tilshisi.

SQO densaýlyq saqtaý basqarmasynyń basshysy Tımýr Sultanǵazıevtiń aıtýynsha, qaýipti indetti juqtyrǵan áıel Taıynsha aýdany Kellerovka eldi mekeniniń turǵyny. 1980 jyly týǵan áıel oblys aýmaǵynan eshqaıda shyqpaǵan. Dárigerler ony juqtyrýy múmkin dep teksergen eken.

Onyń syrqat ekeni keshe keshke anyqtalyp, birden Petropavldaǵy juqpaly aýrýlar aýrýhanasyna, jeke bokske jatqyzyldy. Qazirgi tańda onyń densaýlyǵyna shaǵymy joq. Dene qyzýy jáne jaǵdaıy birqalypty.

Mamandardyń aıtýynsha, Kellerovka eldi mekeni kesheden beri karantınde. Al juqpaly aýrýdy juqtyrǵan áıelmen baılanysta bolǵandardyń barlyǵy anyqtalyp, saraptama alyndy. Olardyń bári búginde karantınde jatyr.

Bul – SQO-da tabylyp otyrǵan ekinshi jaǵdaı. Buǵan deıin aýyrǵan kelinshektiń qan saraptamasy qaıta tekseristen ótkizilýi úshin Almatyǵa jiberilgen edi. SQO taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Serikbaı Qasmaqasovtyń aıtýynsha, ol saraptama Almatyǵa deıin eki kún júrip barǵan. Sol sebepti qan quramy ózgerip, durys nátıje bermeýi múmkin. Sol sebepti syrqat dep tanylǵan kelinshekti karantınnen shyǵarmas buryn taǵy da teksermek. Saraptama karantınniń 13-shi kúni jasalynady.

SQO densaýlyq saqtaý basqarmasynyń málimetinshe, qazirgi tańda úı karantıninde 494 adam, provızorlyq statsıonarda – 44, al karantındik statsıonarda 30 adam jatyr.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT