+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

SQO-da kólik urlyǵy tyıylmaı tur

2021 jylǵy 24 qyrkúıek 09:38
Bólisińiz:
SQO-da kólik urlyǵy tyıylmaı tur

PETROPAVL. QazAqparat – Soltústik Qazaqstan oblysynda jyl basynan beri 49 kólik urlyǵy tirkeldi, dep habarlaıdy QazAqparat tilshisi.

Uqsas jańalyqtar
Petropavlda turmysy nashar 140 otbasy polıtsııa esebinde tur Qaıyrymdylyq qanymyzda bar – Sáýle Orazova

SQO polıtsııa departamenti baspasóz qyzmetiniń málimetinshe, 22 qyrkúıekte Petropavl turǵyny óziniń «Audi 100» kóliginiń urlanǵany týraly aryzben polıtsııaǵa júgingen. Patrýlder men beınebaqylaý operatorlary birden kólikti izdeýge baǵyttaldy. Jedel qyzmetkerler beınebaqylaý kameralarynyń jazbalaryn tekserdi. Er adam kúndiz ózi jumys isteıtin uıymnyń avtoturaǵynan shyǵyp, úıine jaıaý qaıtqan. Avtokólik ıesi muny bastapqyda joqqa shyǵardy. Tek, jedel qyzmetkerler oǵan beınejazbany kórsetkende ǵana qaıtyp kele jatyp dámhanaǵa toqtaǵany esine tústi. Dámhana jumys ornyna jaqyn bolǵandyqtan, er adam kólikti umytyp, ádettegi jolmen jumysyna jaıaý ketip qalǵan. Tártip saqshylary kóshelerden «Audi» izdep, qaladan shyǵatyn joldardy tekserip júrgende, kólik qalǵan jerinde ıesin kútip turǵan.

Osyǵan uqsas jaǵdaı bıyl Petropavldaǵy saýda ortalyqtarynyń biriniń janynda boldy. Dúkennen shyqqan keıin er adam kóligin qoıǵan jerin umytyp, kóligim urlandy dep aryz jazǵan. Taǵy birde áıel polıtsııaǵa habarlasyp, kóliginiń urlanǵanyn habarlaǵan. Mashınany týysy basqa jerge qoıyp, ony habarlaýdy umytyp ketipti.

«Jalpy, SQO-da avtokólikterdi zańsyz ıemdený jaǵdaılarynyń kópshiligi alkogoldik ishimdik ishý saldarynan bolady. Jábirlenýshiler kóbinese kúdiktilerdiń tanystary bolyp shyǵady. Biz avtokólik ıelerine uqypty bolýdy, ózderiniń múlkin tııanaqty saqtaýdy, kóliktiń kiltine ıe bolýdy suraımyz», - deıdi krımınaldyq polıtsııa basqarmasynyń bastyǵy Marat Jumalıev.

Jyl basynan beri SQO-da avtokólikti zańsyz ıemdený faktileri boıynsha 49 shaǵym tirkeldi. Onyń ishinde 2-i qazirgi ýaqytta ashylǵan joq, 33-i óndirispen aıaqtaldy, qalǵandary boıynsha tergeý áreketteri júrgizilip jatyr.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT