Valıýta baǵamdary:
    usd/kzt 478.01 eur/kzt 488.81

    rub/kzt 7.91 cny/kzt 70.76
Aýa raıy:
Nur-Sultan: 1 °S
Almaty: 15 °S

SQO-da kókjótel aýrýy tirkeldi

2022 jylǵy 29 maýsym 13:50

PETROPAVL. QazAqparat – Soltústik Qazaqstan oblysynda sábıge kókjótel dıagnozy qoıyldy. Óńirde bul bıyl tirkelgen alǵashqy jaǵdaı, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, oblysta kókjótelmen aýyrýdyń alǵashqy jaǵdaıy tirkeldi. Infektsııalyq aýrý 3 jas 8 aılyq balada anyqtalǵan. Sábıdiń ata-anasy kókjótelge qarsy ekpe alýdan bas tartqan eken.

«Kókjótel - bul kóbinese balalar aýyratyn jáne belgili bir klınıkalyq kórinisi men belgileri bar ınfektsııalyq aýrý. Kókjóteldiń ereksheligi - tynys alý fýnktsııasy buzylyp, aýrý órshigen kezde tynys alý joldarynyń shyryshty qabattary zaqymdanady. Asqynýlar eki jasqa deıingi sábıler men qarttarǵa tán. Alaıda, kez-kelgen jasta aýrý ál-aýqatty edáýir nasharlatýy múmkin, sondyqtan kókjótel belgileri men ınfektsııanyń aldyn-alý ádisterin bilý kerek», - deıdi departamenttiń ınfektsııalyq jáne parazıttik aýrýlardy epıdemıologııalyq baqylaý bóliminiń basshysy Saltanat Bekqojına.

Mamannyń aıtýynsha, kókjóteldiń belgileri joǵarǵy tynys joldarynyń bakterııalyq ınfektsııasyna uqsas, ıaǵnı dene qyzýy +38°S-qa deıin kóteriledi, adam qaltyrap, álsizdik, bulshyqetterdegi «aýrý», bas aýrýy paıda bolady. Murynnan sý aǵyp, biteledi, qurǵaq jótel mazany alady.

«Infektsııa aýyrǵan adammen tyǵyz baılanysta bolǵan kezde aýa-tamshy jolymen juǵady. Aýrý adam 30 kún boıy ınfektsııany tarata alady. Kókjótelge qarsy negizgi aldyn alý sharasy vaktsınatsııa. Ulttyq vaktsınatsııa kúntizbesine sáıkes, sábılerge qoıylatyn alǵashqy vaktsınalardyń biri – AKDS balalardy 3 aýrýdan: dıfterııa, sirespe jáne kókjótelden qorǵaıdy. Kókjótelden maksımaldy qorǵaý úshin sábılerge 3 vaktsına salynýy kerek. Alǵashqysy eki aıdan asqasyn qoıylsa, kelesi vaktsınatsııa 4 aıda, al úshinshisi bir jarym jasta júrgiziledi», - deıdi Saltanat Bekqojına.

Byltyr SQO-da kókjótelmen aýyrý jaǵdaıy tirkelmese, 2020 jyly 15 adamǵa osy dıagnoz qoıylǵan. Aýrýdyń ósýiniń negizgi sebebi - ata-analardyń vaktsınatsııadan bas tartýy.


Avtor:

Aqerke Dáýrenbekqyzy

Novostı po teme
Uqsas jańalyqtar