SQO-da keı joldardyń sapasyz materıaldardan salynǵany anyqtaldy
2022 jylǵy 21 maýsym 11:18

SQO-da keı joldardyń sapasyz materıaldardan salynǵany anyqtaldy

PETROPAVL. QazAqparat – Soltústik Qazaqstan oblysynda tekserýge alynǵan jol-qurylys materıaldary synamasynyń ár úshinshisi talapqa saı bolmaı shyqty, dep habarlaıdy QazAqparat tilshisi.

Jol aktıvteri ulttyq sapa ortalyǵy SQO boıynsha fılıaly baspasóz qyzmetiniń málimetinshe, jyl basynan beri mamandar respýblıkalyq mańyzy bar avtomobıl joldaryna 185 ınspektsııalyq tekseris júrgizdi. Maqsat – joldardy kútip ustaýda atqarylǵan jumystyń jáne qoldanylǵan materıaldyń sapasyn saraptamadan ótkizý.

«Inspektsııalyq tekseristiń nátıjesinde 191 kemshilik, talaptan aýytqý anyqtaldy. Eskertýlerdiń basym bóligi respýblıkalyq joldardy qysqy jáne kóktemgi-jazǵy ýaqytta kútip ustaýǵa qatysty. Jumys sapasyz atqarylǵan. Jol-qurylys maýsymy bastalysymen jóndeý nysandarynda jumys sapasyna ishinara saraptama júrgizildi. Nátıjesinde asfaltbetonnyń birkelki tóselmegeni, jańa jolda oıyqtardyń paıda bolýy, sapasyz nyǵyzdalýy sekildi birqatar olqylyqtar anyqtaldy», - deıdi Jol aktıvteri ulttyq sapa ortalyǵy SQO fılıalynyń dırektory Joldybaı Tentekov.

Kemshilikter anyqtalǵan jaǵdaıda tapsyrys berýshilerge ony joıý jóninde uıǵarym jiberiledi.

«Jol salýǵa qoldanylatyn materıaldardyń sapasyn da tekseremiz. Jyl basynan beri 282 jol-qurylys materıalynyń synamasyn aldyq. Sonyń 254-i búginde tekserilip, 78-i quqyqtyq-tehnıkalyq qujattardyń normalaryna sáıkes bolmaı shyqty. Ol synamalar negizinen aýyldyq okrýgterde aýylishilik kóshe joldarynan jáne aýdandyq mańyzy bar avtojoldardan alyndy», - deıdi Joldybaı Tentekov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT