+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

SQO-da kásipkerler palatasy men ákimshilik sot memorandým jasasty

2021 jylǵy 27 qyrkúıek 16:47
Bólisińiz:
SQO-da kásipkerler palatasy men ákimshilik sot memorandým jasasty

PETROPAVL. QazAqparat – Soltústik Qazaqstan oblysynda kásipkerler palatasynyń dırektory Álibek Áshmetov pen SQO mamandandyrylǵan aýdanaralyq ákimshilik sotynyń tóraǵasy Berdibek Mustafın ózara is-qımyl týraly memorandýmǵa qol qoıdy, dep habarlaıdy QazAqparat tilshisi.

Uqsas jańalyqtar
Qaraǵandy oblysynda «Eńbek» baǵdarlamasymen 30 myńǵa jýyq adam jumys tapty SQO-da memorgandardyń qarajatty qandaı maqsatqa negizsiz jumsamaq bolǵany anyqtaldy Qyzylordada belsendi halyqtyń úshten biri kásipkerlikpen aınalysýda

Esterińizge sala keteıik, SQO mamandandyrylǵan aýdanaralyq ákimshilik soty óz jumysyn bıyl 1 shildede jańa Ákimshilik rásimdik-protsestik kodeksti engizýmen bastady. Bul sotta azamat nemese zańdy tulǵa (kásiporyn) men memlekettik organ arasyndaǵy daýlar qaralady. ıAǵnı, ádette, bul memlekettik organdardyń sheshimderine, áreketterine nemese áreketsizdigine shaǵymdaný boıynsha ister.

SQO kásipkerler palatasynyń dırektory Álibek Ashmetovtiń aıtýynsha, «Atameken» Ulttyq kásipkerler palatasynyń basty mindeti bıznestiń quqyqtary men zańdy múddelerin jan-jaqty qorǵaý, bıznes sýbektileriniń memlekettik organdarmen daýlaryn beıbit jolmen retteý.

«Bıyl jyl basynan óńirlik kásipkerler palatasy jalpy somasy 670 mln teńgege bıznestiń quqyqtary men zańdy múddelerin qorǵady, ótinishterdiń 56 %-y oń sheshildi. Sot isin júrgizýdiń jańa túri daýlardy memlekettik organdarmen tatýlasý arqyly sheshýge múmkindik beredi. Osyǵan baılanysty, tatýlastyrý rásimderi ınstıtýtyn damytý jáne engizý bıznesti qorǵaýdyń bolashaǵy bar quraldarynyń biri bolmaq. Sondyqtan Memorandým aıasynda óńirlik palata men SQO mamandandyrylǵan aýdanaralyq ákimshilik sotynyń áriptestigi bıznes sýbektileriniń memlekettik ınstıtýttarmen daýlaryn beıbit jolmen retteýde júıeli jumysty qurýǵa baǵyttalǵan», - deıdi Álibek Áshmetov.

Buryn kásipkerler men memlekettik organdar arasyndaǵy daýdy sheshýde tatýlastyrý týraly kelisim jasaýǵa bolmaıtyn. Búginde mamandandyrylǵan aýdanaralyq ákimshilik sot qaraǵan isterdiń jartysynan kóbi tatýlasý arqyly aıaqtalǵan.

«Bizge 160-tan astam is kelip tústi, olardyń 60-qa jýyǵy qaraldy. Olardyń kópshiligi eki taraptyń tatýlasý týraly kelisim jasasýymen aıaqtaldy. Bul 2021 jyldyń 1 shildesinde kúshine engen jańa kodekstiń arqasynda múmkin boldy, onda talapkerler memlekettik organdarmen kelise alady. Buryn qoldanylǵan Kodekste talapkerdiń memlekettik organmen tatýlasýyna shekteý bolǵan. Sondyqtan biz taraptardy osy jańalyqpen tanystyramyz. Búgin osy ınstıtýtty damytýǵa baǵyttalǵan memorandým jasastyq», – deıdi SQO mamandandyrylǵan aýdanaralyq ákimshilik sotynyń tóraǵasy Berdibek Mustafın.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT