+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

SQO-da ishkilikke salynǵan anasyna baılanysty eki balanyń quqyǵy qorǵaldy

2021 jylǵy 20 qyrkúıek 14:59
Bólisińiz:
SQO-da ishkilikke salynǵan anasyna baılanysty eki balanyń quqyǵy qorǵaldy

PETROPAVL. QazAqparat – Soltústik Qazaqstan oblysynda sot spırttik ishimdikke táýeldi áıeldiń balalaryn qasyna alý týraly talap-aryzyn qanaǵattandyrmady, dep habarlaıdy QazAqparat tilshisi.

Uqsas jańalyqtar
Prezıdent tapsyrmasy: Elordada úsh býyndy sot júıesi qalaı jumys isteýde Elordada qylmystyq isterdiń 70% astamy elektrondy formatta qaralyp jatyr Júkti áıeldi óltirgeni úshin 20 jylǵa sottaldy - Pavlodar oblysy

SQO sotynyń málimetinshe, ótken aptada oblystyq sottyń azamattyq ister jónindegi alqasy 53 is pen materıaldy qarady, ıaǵnı bir sýdıaǵa 9 isten kelgen. Onyń ishinde eńbek, kelisimsharttyq daýlar, muragerlik qatynastardaǵy daýlar, zalaldy óteý týraly, memlekettik satyp alý salasynda, memlekettik organdardyń is-áreketteri men sheshimderimen kelispeý, korporatıvtik, saqtandyrý, salyq daýlary, mámilelerdi jaramsyz dep taný týraly daýlar bar.

Sonyń biri - balalardyń turǵylyqty jerin anyqtaýǵa baılanysty. 6 jáne 8 jastaǵy qyzy bar áıel balalarynyń ózimen birge turýy úshin sotqa aryzdanǵan. Alaıda sot onyń talap-aryzyn qanaǵattandyrmady.

«Talapker «Alkogoldi tutynýdan týyndaǵan psıhıkalyq minez-qulyq buzylystary. Táýeldilik sındromy» dıagnozy boıynsha esepte tur. Táýeldilikten arylýdyń oń dınamıkasy joq, kez kelgen ýaqytta taǵy da ishimdikke salynýy múmkin. Emdeýden keıin de ol alkogoldi ishýdi jalǵastyrdy. Bul jaǵdaıda balalardyń anasymen birge turýy olardyń múddelerin buzady, aýyr saldarǵa ákeledi jáne balalardyń psıhologııalyq jaǵdaıyna, olardyń adamgershilik tárbıesi men damýyna teris áser etedi. Sol sebepti sot sheshimi ózgerissiz qaldy, ananyń shaǵymy qanaǵattandyrylmady», - delingen habarlamada.

Sot alqasy talapker alkogolge táýeldilikten tolyq arylǵan jáne esepten shyǵarylǵan jaǵdaıda ǵana balalardyń turǵylyqty jeri máselesin jaýapkermen, ıaǵnı ákesimen birlesip sheshýge quqyly ekenin túsindirdi. Al kelispeýshilikter týyndaǵan jaǵdaıda qaıtadan sotqa júgine alady.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT