+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

SQO-da ınternet-alaıaqtyqtyń jańa túri paıda boldy

2020 jylǵy 16 qańtar 15:21
Bólisińiz:
SQO-da ınternet-alaıaqtyqtyń jańa túri paıda boldy

PETROPAVL. QazAqparat – Petropavl qalasynyń tártip saqshylary ınternet-alaıaqtyqtyń jańa túrin oılap tapqan kúdiktini ustady, dep habarlaıdy QazAqparat tilshisi.

SQO polıtsııa departamenti baspasóz qyzmetiniń habarlaýynsha, Petropavl turǵynyna qańtar aıynyń basynda shaǵyn qarjy uıymynan ol almaǵan nesıeni jabý týraly habarlama túsedi. Tergeý barysynda qalalyqtyń alaıaqtyń qurbany bolǵandyǵy anyqtaldy.

«VKontakte» áleýmettik jelisinde jalǵan paraqsha ashqan qylmysker jurttan kómek suraǵan.

«Habarlasqan qala turǵynyna: «kartochkańa aqsha laqtyramyn. Sen ol aqshaǵa azyq-túlik alyp meniń aýrýhanada jatqan qalyńdyǵyma aparyp beresiń. Qalǵan aqshany ózińe qaldyrasyń» degen. Jaman oıy joq petropavldyq qylmyskerge jeke kýáliginiń jáne esep shotynyń nómirin bergen. Biraz ýaqyttan keıin kartochkaǵa 40 myń teńge túsip, birden telefonǵa buǵan deıin kómek suraǵan er adam habarlasypty. Ol aýrýhanaǵa barýdyń qajeti joqtyǵyn aıtyp, mazalaǵany úshin 3 myń teńgeni alyp qalyp, qalǵanyn qaıtarýdy suraǵan. Kartochkaǵa túsken aqsha ınternet arqyly onyń atyna resimdelgen nesıe ekendigi oıyna da kelmepti», - deıdi polıtseıler.

«Osy qylmysqa qatysy bolýy múmkin» degen kúdikpen tártip saqshylary Ýálıhanov aýdanynyń 19 jastaǵy turǵynyn ustady. «Alaıaqtyq» baby boıynsha qylmystyq is qozǵaldy. Qazir onyń osyndaı basqa qylmystarǵa qatystylyǵy tekserilip jatyr.

«Turǵyndar ózderiniń sengishtiginen alaıaqtardyń arbaýyna túsip jatady. Internet arqyly sóıleskende qyraǵylyq tanytý qajet. Jeke basqa tıesili málimetterdi eshkimge berýge bolmaıdy. Olar: jeke bas kýáliginiń nómiri, bank kartochkasynyń pın-kody, CVV/CVC-kod, esep shottyń nómiri jáne telefon nómirine sms-pen keletin rastaý kody. Internet arqyly saýda jasaǵanda aldyn-ala tólem jasaýǵa bolmaıdy. Aldymen beınebaılanys jasap, kóz jetkizińiz», - deıdi SQO PD krımınaldy polıtsııa basqarmasynyń aǵa jedel ýákili Vıtalıı Podchernın.

Byltyr óńir polıtseıleri ınternet-alaıaqtyqqa qatysty 56 qylmystyq isti ashty.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT