SQO-da ınfektsııalyq statsıonarlarda KVI juqtyrǵan 504 syrqat em alyp jatyr
2021 jylǵy 30 qarasha 11:41

SQO-da ınfektsııalyq statsıonarlarda KVI juqtyrǵan 504 syrqat em alyp jatyr

PETROPAVL. QazAqparat – Soltústik Qazaqstan oblysynda ótken táýlikte 500-ge jýyq adamnan PTR-test alynyp, 85 adamnan koronavırýs anyqtaldy, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, óńirde koronavırýsty juqtyrǵan adamdar sany azaıyp keledi. 28 qarasha kúni 103 adamnan qaýipti ınfektsııa anyqtalsa, ótken táýlikte KVI juqtyrýdyń 85 jańa jaǵdaıy tirkeldi. Infektsııalyq statsıonarlarda jatqan syrqattardyń da sany tómendegen. Bir apta buryn emdeý mekemelerinde 604 adam em alsa, qazir olardyń sany 504-ke deıin azaıdy. Qazir juqpaly aýrýlar statsıonarlary 30 %-ǵa júktelgen. Al jansaqtaý bólimshelerinde 46 naýqas jatyr.

Ótken táýlikte bir adam koronavırýstan kóz jumdy, qaıtys bolǵandardyń jalpy sany 369-ǵa jetti. Tek ótken bir aptada 10 adam kóz jumdy.

SQO-da pandemııa bastalǵaly 32 833 adam koronavırýs juqtyrdy, 28 606 adam táýir bolyp shyqty.

Buǵan deıin respýblıka boıynsha tek SQO-nyń ǵana «qyzyl» aımaqta qalǵanyn aıtqan edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT