+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

SQO-da qoǵamdyq oryndarda mas kúıde júrgen myńǵa jýyq adam jazalandy

2020 jylǵy 21 aqpan 06:41
Bólisińiz:
SQO-da qoǵamdyq oryndarda mas kúıde júrgen myńǵa jýyq adam jazalandy

PETROPAVL. QazAqparat – Soltústik Qazaqstan oblysynda bıyl tártip saqshylary qoǵamdyq oryndarda mas kúıde júrgen 948 adamǵa ákimshilik hattama toltyrdy, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, áıelderge qatysty qylmystardyń ár tórtinshisi spırttik ishimdikti birge otyryp ishýden keıin jasalady. Al densaýlyqqa aýyr jáne ortasha zııan keltirý qylmystarynyń ár ekinshisi mas kúıde jasalady.

Zańsyz aınalymnan spırttik ishimdikterdi alý úshin tártip saqshylary únemi reıdtik is-sharalar uıymdastyrady, halyqtyń aryz-shaǵymymen jumys isteıdi. Aqqaıyń aýdanynda turǵyndarmen kezdesý barysynda olar Cherkasskoe eldi mekenindegi bir úıde zańsyz araq-sharap satylatyndyǵyna narazylyq bildirgen.

Polıtsııanyń ýchaskelik ınspektory, aýyldyq okrýgtiń qoǵamdyq keńesiniń múshesi problemalyq mekenjaılardy tekserý barysynda spırttik ishimdik satyp jatqan 39 jastaǵy aýyl turǵynynyń ústinen túsken. Kásipkerlikpen ruqsatsyz aınalysqan oǵan ákimshilik hattama toltyrylyp, zańsyz ónim tárkilendi.

«Oblysta jyl basynan osyndaı 25 derek anyqtalyp, 59,5 lıtr spırttik ónim alyndy. Budan basqa araq-sharap satatyn saýda oryndaryn da baqylaýda ustaımyz. Óıtkeni 21 jasqa deıingilerge spırttik ishimdikti satýǵa bolmaıdy. Sondaı-aq saǵat 23.00-den 12.00-ge deıin quramynda 30% etıl spırti bar sýsyndardy satýǵa bolmaıtynyn eskertemiz. Talapty oryndamaǵandarǵa 10 AEK mólsherinde aıyppul salynady», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.

Jalpy jyl basynan 16 ákimshilik hattama toltyrylsa, sonyń úsheýi Petropavlǵa tıesili. Sottyń sheshimimen eki azyq-túlik dúkeniniń jáne «Shokolad» túngi klýbynyń araq-sharap satýǵa lıtsenzııasy ýaqytsha toqtatyldy. Sondaı-aq qoǵamdyq oryndarda mas kúıde júretindermen kúres jalǵasýda. Jyl basynan oblysta ishimdik iship esirgen 948 adam jaýapqa tartyldy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT