SQO-da habarsyz ketken 24 jastaǵy jigitke izdeý jarııalandy
2022 jylǵy 27 mamyr 17:22

SQO-da habarsyz ketken 24 jastaǵy jigitke izdeý jarııalandy

PETROPAVL. QazAqparat – Soltústik Qazaqstan oblysynda shamamen eki apta buryn úıinen ketip, oralmaǵan Anatolıı Zarva tabylmaı jatyr. Búgin 24 jastaǵy jigitti izdeý úshin aýyldastary polıtsııaǵa kómekke keldi, dep habarlaıdy QazAqparat tilshisi.

Petropavl volonterleriniń málimetinshe, Anatolıı Zarva Aıyrtaý aýdany Saýmalkól aýylynyń turǵyny. 1997 jyly týǵan jigit 15 mamyr kúni Lıtvınov, 4 kóshesindegi úıinen shyǵyp, sodan qaıtyp oralmaǵan.

Habarsyz ketken aýyldastaryn izdeý úshin búgin Saýmalkól eldi-mekeniniń turǵyndary jınalyp, polıtsııaǵa kómektesti. Alaıda, ázirge nátıje joq.

Anatolıı Zarvanyń boıy 190-192 sm shamasynda, shymyr deneli, shashy surǵylt tústi, qysqa qıylǵan.

Sol kúni ústinde qara-kók kúrteshe, qoıý jasyl fýtbolka, kók djınsy shalbar jáne qara aıaq kıim bolǵan.

Jigit jaıynda qandaı da bir habary barlar 8 777 307 99 65, 8 926 626 64 33 nemese 102 nómirine qońyraý shala alady.

Esterińizge salaıyq, 8 mamyr kúni Taıynsha aýdanynyń 57 jastaǵy turǵyny Sergeı Bagınskıı joǵalǵan edi. Er adam áli kúnge tabylǵan joq.

Jańalyqtar

MURAǴAT