SQO-da er adam aýyldasynyń nemis ovcharkasyn soıyp jegen

PETROPAVL. QazAqparat – Soltústik Qazaqstan oblysynda er adam aýyldasynyń baılaýly ıtin urlap áketip, soıyp jegen, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Toqshyn eldi mekeniniń turǵyny polıtsııaǵa habarlasyp, bireýdiń túnde ıtin urlap ketkenin aıtqan. Áıeldiń sózinshe, nemis ovcharkasy úıdiń qasynda temir shynjyrǵa baılaýly bolǵan.

Bul derek Sotqa deıingi tergep-tekserýlerdiń biryńǵaı tizilimine «Urlyq» baby boıynsha engizildi.

Tártip saqshylary kúdiktini anyqtady. Sol aýyldyń 2001 jylǵy turǵyny buryn sottalǵan. Itti soıyp jeý úshin urlaǵan eken. Oǵan eshqaıda ketpeý jónindegi shara qoldanyldy.

Qazirgi ýaqytta osy iske baılanysty birqatar tergeý amaldary júrgizilip jatyr. Nátıjesine qaraı protsessýaldyq sheshim qabyldanady.