SQO-da elektr qalqanyn shyǵaratyn zaýyt salynady
2022 jylǵy 29 maýsym 17:54

SQO-da elektr qalqanyn shyǵaratyn zaýyt salynady

NUR-SULTAN. QazAqparat –Soltústik Qazaqstan oblysynyń ákimi Qumar Aqsaqalov óńirde elektr qalqanyn shyǵaratyn zaýyt salynatynyn málim etti, dep habarlaıdy QazAqparat tilshisi.

«Osyǵan deıingi baspasóz máslıhatynda men elektr qalqanyn shyǵaratyn zaýyt jobasy týraly aıtqan edim. Qazir atalǵan jańa kásiporyn óndiris aınalymyn keńeıte bastady. Bıyl 4 myń transformator shyǵarý josparlanǵan. Keıin óndiris qýatyn jylyna 13 myń danaǵa deıin jetkizý kózdelip otyr. Jyl sońyna deıin jondaǵy jumysshylar sany 200-ge jetse, keıin 350-ge deıin barady. Budan bólek ınvestor elektr qalqanyn shyǵaratyn zaýyt salmaqshy. Ol úshin 7 mlrd teńge ınvestıtsııa tartpaqshy», - dedi Qumar Aqsaqalov.

Ákim «Qyzyljar» arnaıy ekonomıkalyq aımaǵynyń áleýetine de toqtaldy. Aıtýynsha, bıyl bul aımaqta DSP-taqtaılaryn shyǵaratyn zaýyt salynbaq. Sondaı-aq, bolattan qańyltyr óndirý josparlanyp otyr.

«Jalpy ónerkásip salasynda ahýal jaǵymdy. Bes jyl ishinde saladaǵy jalpy ishki ónim 1,8 ese ósip, 198 mlrd teńgeden 365 mlrd teńgege artty.. Al 2022 jyly 410 mlrd teńgege jetkizemiz», - dedi ákim.


Jańalyqtar

Úrdis

MURAǴAT