SQO-da eki aptadan aca ýaqyt habarsyz ketken boıjetken tabyldy
PETROPAVL. QazAqparat – Soltústik Qazaqstan oblysynda polıtseıler buǵan deıin izdeý jarııalanǵan Alena Pıatkovanyń tabylǵanyn habarlady, dep habarlaıdy QazAqparat tilshisi.
SQO-nyń 1999 jyly týǵan turǵyny Alena Pıatkovanyń joǵalǵanyn buǵan deıin aıtqan edik.
Volonterler ol týraly málimetti áleýmettik jelige ornalastyryp, izdeý jarııalady. 10 qańtar kúni Mamlıýt qalasyndaǵy úıinen Petropavlǵa jol tartqan boıjetken sodan habarsyz ketken.
Tártip saqshylary Alenanyń aman-esen tabylǵanyn aıtty.
«Bul aqparatty polıtseıler tekserdi. Áıeldiń týystary ony óz kúshimen izdep tabýǵa tyrysqan. 16 qańtar kúni olar aýdandyq polıtsııa bólimine júgindi. Qazirgi ýaqytta joǵalǵan qyzdy polıtseıler Petropavl qalasynda ekenin anyqtady. Odan jaýap alynyp, tabylǵany týraly týystaryna habarlandy. Qazirgi ýaqytta onyń joǵalýynyń basqa da mán-jaıy anyqtalyp jatyr», - delingen baspasóz habarlamasynda.
Al 47 jastaǵy Murat Muhanjarov áli kúnge habar-osharsyz. Petropavl turǵyny qazan aıynan bastap izdestirilip jatyr.
Er adam, týystarynyń aıtýynsha, telefon arqyly baılanysqa shyǵyp, Býlaev qalasynda jumys istep jatqanyn aıtqan. Keıin telefony sóndirýli bolǵan.
Joǵalǵan er adamdy kórgen-bilgender bolsa, 8 775 152 07 52, 8 775 631 48 11 jáne volonterlerdiń 8 777 307 99 65, 8 926 626 64 33 nómirine nemese 102-ge habarlasa alady.
