+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

SQO-da dári-dármek jáne medıtsına buıymdarynyń turaqtandyrý qory ashyldy

2020 jylǵy 4 jeltoqsan 17:43
Bólisińiz:
SQO-da dári-dármek jáne medıtsına buıymdarynyń turaqtandyrý qory ashyldy

PETROPAVL. QazAqparat – Soltústik Qazaqstan oblysynda koronavırýstan emdeýge qajetti medıtsınalyq preparattardyń baǵasyn qalypty ustap, qajetti qoryn qalyptastyrý úshin turaqtandyrý qory ashyldy, dep habarlaıdy QazAqparat tilshisi.

Uqsas jańalyqtar
Koronavırýs juqtyrǵan Meırambek Besbaev qazaqstandyqtardy saq bolýǵa shaqyrdy Elordada COVID-19 indetiniń ósýi baıqalady Almatyda dárigerler qaterli isigi bar 81 jastaǵy naýqastyń ómirin qutqaryp qaldy

SQO óńirlik kommýnıkatsııalar qyzmetinde dári-dármek jáne medıtsınalyq buıymdar boıynsha turaqtandyrý qorynyń ashylýyna baılanysty brıfıng ótti. Óńirde endi koronavırýstan emdelýge qajetti dári-dármekti naryqtaǵy baǵadan 15-25 %-ke arzanǵa alýǵa múmkindik bar.

Medıtsınalyq jáne farmatsevtıkalyq qyzmetti baqylaý komıtetiniń SQO boıynsha departament basshysynyń mindetin atqarýshy Jumabek Eleýsizovtiń aıtýynsha, Kásipkerlik jáne ındýstrıaldy-ınnovatsııalyq damý basqarmasy men turaqtanyrý qorynyń biryńǵaı operatory - «NordFarmMarket» JShS arasynda kelisim jasaldy.

«Soltústik» áleýmettik-kásipkerlik korporatsııasynan nesıe alynyp, bul qarajatqa koronavırýstan emdeýge qoldanylatyn medıtsınalyq preparattardyń baǵasyn turaqtandyrýǵa, onyń jetkilikti qoryn qalyptastyrýǵa qajetti is-sharalar qolǵa alynbaq.

Densaýlyq saqtaý basqarmasy koronovırýs ınfektsııasyn emdeıtin dári-dármektiń tizimin jasaǵan. Oǵan 28 medıtsınalyq preparat kiredi. Іshinde vırýsqa qarsy, dene qyzýyn tómendetetin, bakterııaǵa qarsy jáne antıgıstamındik dáriler bar.

«Biryńǵaı operator búginnen bastap osy tizim boıynsha dári-dármekti satyp alyp, qajet kezde dárihanalarda tapshylyq týmaýy úshin turaqtandyrý qoryn jasaıdy. Bul baǵany ósirmeý maqsatynda da qolǵa alynǵan is-shara», - deıdi Jumabek Eleýsizov.

Oblysqa tizimdegi 28 dári-dármektiń 21-i jetkilikti deńgeıde ákelindi. Qalǵan jeteýin alý boıynsha jumystar júrgizilip jatyr.

«Turaqtandyrý qorynyń dárileri emdeý mekemeleriniń janyndaǵy jáne oblystyń basqa da dárihanalarynda satylady. Jalpy bizben jumys istegisi keletin dárihanalar kelýshilerdiń nazaryna sarǵylt túske dári-dármektiń tizimi jáne baǵasy jazylǵan qaǵazdy kórinetin jerge ilip qoıýy qajet. Turaqtandyrý qorynyń dárisi naryqtaǵy baǵadan anaǵurlym arzan bolady», - deıdi «NordFarmMarket» JShS dırektory Murat Jákenov.

Bul dáriler bir qolǵa 5 danadan asyrmaı beriledi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT