SQO-da byltyr 2 aýyldyq okrýg, 3 aýyl, 200-den astam kósheniń ataýy aýysty
2022 jylǵy 28 qańtar 20:45

SQO-da byltyr 2 aýyldyq okrýg, 3 aýyl, 200-den astam kósheniń ataýy aýysty

PETROPAVL. QazAqparat – Soltústik Qazaqstan oblysynda bıyl mádenıet salasyndaǵy kadr jetispeýshiligi máselesin sheshý maqsatynda shyǵarmashylyq mamandyqtar boıynsha oqytýǵa 75 grant bólinbek, dep habarlaıdy QazAqparat tilshisi.

SQO mádenıet, tilderdi damytý jáne arhıv isi basqarmasynyń alqa otyrysynda byltyr atqarylǵan jumystar qorytyndylanyp, bıylǵy mindetter aıqyndaldy. Máselen mádenıet nysandaryn jóndeýge byltyr 1 mlrd 619 mln teńge bólingen, bul 2020 jylmen salystyrǵanda 35 %-ǵa artyq. Tilderdi oqytý ortalyǵynda 140 top qurylyp, 2500 -den astam adam tilderdi meńgerdi. Sonyń 64-i - qazaq tili toptary.

Aýyz toltyryp aıtarlyq jumystardyń biri - 2 aýyldyq okrýg , 3 aýyl, 200-den astam kósheniń ataýy aýysty .

« Mádenıet salasynda biliktiligi joǵary kadrlarǵa qajettilik bar. Bul máseleni sheshý úshin oblys ákimi Q. Aqsaqalov shyǵarmashylyq mamandyqtar boıynsha oqytýǵa 75 grant bólý týraly usynysty qoldady.

Budan basqa 4 jastan 17 jasqa deıingi balalar men jasóspirimderdiń tegin úıirmelerge qatysýyn qamtamasyz etý memlekettik shyǵarmashylyq tapsyrysty engizý mehanızmi arqyly iske asyrylady. Nátıjesinde bıyl 1500 bala tegin shyǵarmashylyq úıirmelerge qatysady dep josparlanyp otyr», - deıdi basqarma basshysynyń mindetin atqarýshy Dosbol Ábdirıisov.

Bıyl elimizge tanymal birqatar tulǵanyń mereıtoılary atalyp ótedi, olar: qazaq álipbıiniń atasy Ahmet Baıtursynovtyń 150 jyldyǵy, kórnekti jazýshy Ǵabıt Músirepovtiń 120 jyldyǵy, Safýan Shaımerdenovtiń 100 jyldyǵy, kórnekti aqyn, qoǵam qaıratkeri Kákimbek Salyqovtyń 90 jyldyǵy.


Jańalyqtar

MURAǴAT