+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

SQO-da bos turǵan mektep ǵımaratyn 1 teńgege satyp alýǵa bolady

2020 jylǵy 25 qazan 14:30
Bólisińiz:
SQO-da bos turǵan mektep ǵımaratyn 1 teńgege satyp alýǵa bolady

PETROPAVL. QazAqparat – Soltústik Qazaqstan oblysynda bosap, qańyrap qalǵan mektep ǵımarattary aýktsıonǵa qoıylyp jatyr. Bássaýda sharty boıynsha eń tómen baǵa – 1 teńge ǵana, dep habarlaıdy QazAqparat Petropavlovsk.news saıtyna silteme jasap.

Jambyl aýdanyndaǵy Úlgi aýylynda mektep ǵımaraty úshin bastapqy baǵa 3,7 mln teńge somasynda belgilengen. Bul mektepke birazdan beri eshkim sabaqqa baryp júrgen joq. 2020 jyly osy aýyldyń turǵyny retinde18 adam bolǵan. 10 jyl buryn osynda 235 adam ómir súrgen edi. Bul mektepti saýdaǵa shyǵarý aýktsıony 10 qarashaǵa belgilendi. 1972 jyly salynǵan ǵımarttyń aýdany 471 sharshy metr shamasynda. Bássaýda tómendetý tásilimen júrgizilgendikten, eń tómen baǵa retinde 1 teńge qoıyldy.

Osyǵan uqsas jaǵdaı Jambyl oblysyndaǵy Rojdestvenka aýylynda oryn aldy. Bul jerde 1264 sharshy metrlik eki qabatty mektep satylyp jatyr. Mektep qunyn baǵalaý kezinde 9,4 mln teńge begilendi, al eń tómengi baǵa – 1 teńge. Osy aýylda qazir 13 adam turyp jatyr. 20 jyl buryn eldi meken turǵyny retinde 372 adam tirkelgen edi.

Budan bólek, tizim boıynsha 1980 jyly salynǵan Aqbalyq aýylyndaǵy eki qabatty mektep qoıylǵan. 562 sharshy metr aýmaqty qamtyǵan ǵımarattyń bastapqy quny 1,7 mln teńge. Saýda júrgizý kúni 10 qarashada bolady. Bul aýylda 20 jyl buryn 260 adam turǵan.

Esil aýdanyndaǵy Novoýzenka aýylynda 3 327 sharshy metrlik úsh qabytty mektep te saýdaǵa shyǵarylady. Baǵalaý quny 27,2 mln teńgeni kórsetip tur. 1983 jyly mektep salynǵan kezde aýyl turǵyndarynyń sany 950 adam bolǵan. Qazirgi kezde eldi mekende 30 adam qalǵan. Aýyz sý tapshylyǵynan, turǵyndar sýdy kórshi aýyldardan tasymaldap júr.

QR Statıstıka komıtetiniń málimetinshe, sońǵy 10 jylda SQO-daǵy mektepter sany 127-ge qysqardy. Al bastaýysh jáne orta mektepte oqıtyndar 8 myńǵa azaıdy. 20 jylda óńirde 302 mektep jabyldy (478-i qaldy).


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT