SQO-da bir táýlikte 61 bala, 7 júkti áıel koronavırýs juqtyrdy
2022 jylǵy 21 qańtar 17:40

SQO-da bir táýlikte 61 bala, 7 júkti áıel koronavırýs juqtyrdy

PETROPAVL. QazAqparat – Soltústik Qazaqstan oblysynda koronavırýs juqtyrǵandar sany kúrt artty. Ótken táýlikte qaýipti ınfektsııa 182 adamda anyqtaldy, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, ótken táýlikte 582 adamnan PTR-test alynyp, 6,2 %-ynda oń nátıje kórsetti. Aýyrǵan 182 adamnyń 168-i dárigerlerge aýyryp kóringen. Petropavlda 90 syrqat anyqtalsa, Qyzyljar aýdanynda 22 adam aýyrǵan. Aıyrtaý aýdanynda – 11, Shal aqynda – 10, Taıynshada – 9, qalǵan aýdandarda 9 ben 1 aralyǵynda.

Ótken táýlikte KVI juqtyrǵandardyń úshten biri – balalar, ıaǵnı 61 bala dárigerlerdiń baqylaýyna alyndy. Qazirgi ýaqytta 25-i statsıonarda, 247-si ambýlatorlyq em alyp jatyr.

Dárigerler júkti áıelder arasynda da aýrýshańdyqtyń artqanyn aıtady. 21 qańtar kúni 7 kelinshekte PTR-test oń nátıje kórsetken. Búgingi kúni aýyrǵan 102 áıeldiń 39-y statsıonarlarǵa jatqyzylsa, 63-i úılerinde em alyp jatyr. 653 júkti áıel táýir boldy.

Jalpy SQO-da koronavırýsty juqtyrǵandar sany 36 myńǵa jýyqtady. 28 399 adam qatarǵa qosyldy.



Jańalyqtar

MURAǴAT