+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

SQO-da bir apta ishinde 41 mas júrgizýshi ustaldy, arasynda áıelder de bar

2021 jylǵy 17 qyrkúıek 22:00
Bólisińiz:
SQO-da bir apta ishinde 41 mas júrgizýshi ustaldy, arasynda áıelder de bar

PETROPAVL. QazAqparat – Soltústik Qazaqstan oblysynda polıtseıler kólikti mas kúıde tizgindegen 33 jastaǵy áıeldi ustady, dep habarlaıdy QazAqparat tilshisi.

Uqsas jańalyqtar
Petropavlda turmysy nashar 140 otbasy polıtsııa esebinde tur

SQO polıtsııa departamenti baspasóz qyzmetiniń málimetinshe, patrýldi polıtsııa batalonynyń ekıpajy Mamlıýtka-Qostanaı avtojolynda «BMW» kóligin senimsiz basqarǵan júrgizýshini baıqap, toqtaýyn talap etedi. Kóliktiń rýlinde 33 jastaǵy áıel bolǵan. https://youtu.be/EqAeAlL_su8 Júrgizýshiden spırttik ishimdiktiń ıisi shyǵyp turǵan. Medıtsınalyq kýálandyrý onyń mastyǵyn rastady.

Áıeldiń aıtýynsha, ol kólikti júrgizbes buryn konıak ishken. Polıtseıler mas júrgizýshige qatysty isti jınap, sotqa tapsyrdy. Sot aýyl turǵynyn 7 jylǵa kólik basqarý quqyǵynan aıyrdy.

«10 qyrkúıekten beri SQO-da dál osyndaı jazaǵa 41 adam tartyldy. Olar kólikti mas kúıde júrgizgen. Qazir óńirde «Mas júrgizýshi» jedel-aldyn alý is-sharasy ótip jatyr. Onyń maqsaty – júrgizýshilerdiń tártibin nyǵaıtyp, jol-kólik oqıǵalary qaýpin azaıtý. Jalpy osy operatsııa bastalǵaly oblysta jolda júrý erejesin buzýdyń 3300 deregi tirkeldi. Bul kúnderi joldarda tekseris kúsheıtilgen tártipte júrip jatyr. Kólik júrgizýshilerin jolda júrý erejesin qatań saqtaýǵa shaqyramyz», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT