+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

SQO-da «Bastaý» men «Jas kásipker» túlekteri jobalarynyń kórme-jármeńkesi ótti

2019 jylǵy 9 jeltoqsan 17:47
Bólisińiz:
SQO-da «Bastaý» men «Jas kásipker» túlekteri jobalarynyń kórme-jármeńkesi ótti

PETROPAVL. QazAqparat – Soltústik Qazaqstan oblysynda «Bastaý» jáne «Jas kásipker» memlekettik baǵdarlamalaryna qatysqan túlekterdiń qolynan shyqqan buıymdarynyń kórme-jármeńkesi ótti, dep habarlaıdy QazAqparat tilshisi.

Uqsas jańalyqtar
QR Prezıdenti Tımýr Qulybaevty qabyldady Kásipkerlerdi qoldaý: JSN men BSN biriktiriledi Nur-Sultanda shaǵyn jáne orta bıznes sýbektileriniń úlesi 3,1%-ǵa artty

Kórme-jármeńke Petropavldaǵy eń úlken saýda ortalyqtarynyń birinde boldy. «Bastaý» jáne «Jas kásipker» memlekettik baǵdarlamalarynyń bıylǵy 40 shaqty túlegi kelýshilerge óz ónimderin usyndy. Solardyń biri – Márııam Aqsarına. 200 AEK kóleminde grant alǵan kóp balaly ana bódene ósirýdi qolǵa alǵan bolatyn. Otbasylyq bıznes órkendep keledi.

«Meniń negizgi tutynýshylarym – Beskól aýylynyń turǵyndary. Bódene sanyn arttyryp jatyrmyn. Qazir tek jumyrtqalaıtyn 150 qusym bar. Sol sebepti saýda oryndarymen kelisimge otyryp jatyrmyn. Bódene etinen góri jumyrtqasyna suranys joǵary, óıtkeni, paıdaly. Oblys ortalyǵyna ázirshe jetkizbeımin. Óıtkeni naryqty qamtýǵa ónimim jetkiliksiz», - deıdi Márııam Aqsarına.

«Jas kásipker» baǵdarlamasymen kásipkerliktiń qyr-syryn meńgergender de 200 AEK mólsherinde grant aldy. Jastardyń ıdeıalary kóp. Olar qatarlastary arasynda sánge aınalǵan buıymdardy shyǵarýǵa mán beredi. Ámına Tájıeva kýrstan ótkennen keıin ekologııalyq qol dorba tigýdi bastady. 12 jasynan bastap ıne ustaǵan boıjetken grantpen berilgen aqshaǵa tigin mashınalaryn satyp aldy.

«Meniń ónimime jasóspirimder qyzyǵady. Olar sómkeni mektepke ustaý úshin alady. Búginde latyn árpin qoldaný trendke aınalǵan. Men Abaıdyń sózderin latyn árpimen óz ónimderime jazamyn», - deıdi Ámına Tájıeva.

Bıyl memlekettik baǵdarlamamen bilim alǵan túlekterdiń ár besinshisi óz isin ashty. Al kórme-jármeńkege Petropavl qalasynyń jáne Esil, Qyzyljar aýdandarynyń jas kásipkerleri qatysty.

«Búgingi kórme-jármeńkeni uıymdastyrýdaǵy maqsat – halyqty osy eki baǵdarlamamen tanystyrý. Nátıjesin kórsetý. Óıtkeni kelesi jyly da kásipkerlik kýrstaryna qabyldaımyz. Bıyl «Bastaý» baǵdarlamasy boıynsha alty top, «Jas kásipker» boıynsha eki top bitirip shyqty. Barlyǵy 3115 adamdy qamtydyq», - dedi SQO Kásipkerler palatasy dırektorynyń orynbasary Marat Ysqaqov.

Kórme-jármeńkege kelgenderge baǵdarlama túlekteri qyzmetterin tegin usyndy. Qyz-kelinshekterdiń biri qasy-qabaǵyn boıaýǵa múmkindik alsa, endi biri aqysyz shashyn sándetti. Sondı-aq bul kúni kásipkerler palatasynyń basshysy Darhan Qalıev pen oblystyq kásipkerlik jáne týrızm basqarmasynyń jetekshisi Quralaı Jarova úzdik bıznes-jattyqtyrýshyny, úılestirýshi men psıhologty marapattady. Al bıylǵy jyldyń sońǵy túlekterine sertıfıkattar úlestirildi. Bul sertıfıkat grantqa jáne tómen paıyzben nesıe alýǵa múmkindik beredi.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT