+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

SQO-da aýyl turǵynynyń joǵalǵan bir otar qoıy shashaý shyqpaı tabyldy

2021 jylǵy 16 shilde 09:18
Bólisińiz:
SQO-da aýyl turǵynynyń joǵalǵan bir otar qoıy shashaý shyqpaı tabyldy

PETROPAVL. QazAqparat – Soltústik Qazaqstan oblysynda aýyl turǵynynyń shamamen 3 mln teńge turatyn qoıy joǵalyp, qańǵyǵan maldy polıtseıler men shekarashylar tabýǵa kómektesti, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Mamlıýt aýdany turǵyny tańsáride qoılaryn aýyldan 3 km jerge jaıylymǵa shyǵarǵan.

Keıin ózi úı sharýasymen aınalysqan, maldyń joǵalǵanyn saǵat 8.00 shamasynda anyqtaǵan. Joǵalǵan 53 qoıy men 5 eshkisin 3 mln teńgege baǵalapty.

Er adam buǵan deıin maldy baǵýsyz erkin jaıylýǵa jibergeni úshin ákimshilik jaýapkershilikke tartylǵan eken. Sol sebepti joǵalǵan qoıdy ózi izdemek bolǵan.

Alaıda odan nátıje shyqpaǵandyqtan keshke aýyl turǵyny aýdandyq polıtsııa bólimine kómek surap júgingen.

Jaıylymnan joǵalǵan maldy izdeýge jeke quram baǵdarlanyp, basqa aýdandarǵa da habar jiberildi. Tórt top kólikpen izdeýge shyqty.

5 qyzmetkerden turatyn taǵy bir top jaqyn mańdaǵy aýyldarǵa baryp, úı-úıdi aralaǵan, jergilikti turǵyndar men baqtashylardan surastyrǵan.


Ýchaskelik ınspektorlar WhatsApp messendjeri arqyly baǵdarlardy fermerlik jáne sharýa qojalyqtarynyń jumyskerlerine taratty.

12 shilde kúni polıtseılerge shekarashylar qosylyp, shekara mańynda izdeý júrgizgen.

Jaýyn jaýyp, tehnıkany paıdalanýǵa kelmeı, olar orman, dala, kól jaǵalaýlaryn jaıaý rezeńke etik pen shekpen kıip tekserdi.

Tańerteń 13 shilde kúni polıtseıler jáne shekarashylar tolassyz jaýǵan jańbyrǵa qaramastan izdeýdi alǵastyryp, ormannan 40 qoıdy izdep tapty.

Keıin qalǵan mal da shyǵynsyz tabyldy. Qoı-eshki ıesine qaıtaryldy, aýyl turǵynyna qaıtadan ákimshilik jaza qoldanylmaq.

«Jyl basynan aýdanda mal osymen besinshi ret joǵalyp otyr. Mal ıelerin jaıý erejelerin qatań saqtaýǵa shaqyramyz. Erkin jaıylym mal urylaryna jáne janýarlardyń óz betimen ketýine jaǵdaı jasaıdy. Qańǵyp júrgen mal jol qozǵalysy qatysýshylaryna qaýip tóndiretinin umytpaǵan jón. Bıyl Mamlıýt aýdanynyń aýmaǵynda 4 mal urlyǵy tirkeldi, barlyq jaǵdaıda da ıeleri maldaryn qaraýsyz qaldyrǵan», - deıdi aýdandyq polıtsııa bólimi bastyǵynyń mindetin atqarýshy Isa Mustafın.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT