+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

SQO-da aýyl turǵyny «Bastaý» arqyly balyq tsehyn ashty

2021 jylǵy 16 shilde 00:54
Bólisińiz:
SQO-da aýyl turǵyny «Bastaý» arqyly balyq tsehyn ashty

PETROPAVL. QazAqparat – Soltústik Qazaqstan oblysynda aýyl turǵyny «Bastaý Bıznes» memlekettik baǵdarlamasy arqyly balyq tsehyn ashty, dep habarlaıdy QazAqparat tilshisi.

SQO kásipkerler palatasy baspasóz qyzmetiniń málimetinshe, Jambyl aýdany Presnov eldi mekeniniń turǵyny Artem Korobov kánigi balyqshy. Jigit bala kezinen qolynan qarmaǵyn tastaǵan emes. Birer jyl buryn oǵan súıikti isin kásipke aınaldyrý týraly oı keledi. Óz kúshimen jaqyn arada armanyna qol jetkize almasyn bilgen azamat memlekettiń qoldaýyna súıenip, «Bıznes Bastaý» jobasyna qatysady.

«2019 jyly kásipkerlik negizderi boıynsha kýrstan óttim. Bıznes-jobamdy usynyp, sátti qorǵap shyqtym. Sol jyly nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy boıynsha granttar baıqaýyna qatysyp, 505 myń teńge aldym. Bul aqsha qaıyq pen tońazytqysh satyp alýǵa jumsaldy», - deıdi aýyl turǵyny.

Aldyna qoıǵan maqsatyna qol jetkizý úshin Artem tynbaı eńbek etti. Kelesi jyly taǵy da «Eńbek» baǵdarlamasyna qatysyp, 2 mln teńge jeńildetilgen nesıe aldy.

«Artem Korobov – bizdiń maqtanyshpen aıtatyn túlekterimizdiń biri. Alǵan betinen qaıtpaıtyn, qıyndyqtan qoryqpaıtyn kópke úlgi bolar jan. Jetken jetistigine masaırap, toqtap qalmaı únemi izdenis ústinde júredi. Bastapqyda tutynýshylary jańa aýlanǵan balyqqa tapsyrys berse, keıin súrlengen, qaqtalǵan, tuzdalǵan ónimdi suraıtyn boldy. Sol sebepti kásipkerimiz kóp oılanbaı balyq tsehyn ashty», - deıdi kásipkerler palatasynyń Jambyl aýdandyq fılıalynyń basshysy Oljas Ábilmájinov.

«Bıznestiń jol kartasy – 2025» baǵdarlamasynyń granttar baıqaýyna qatysqan jigit qaıtarymsyz 5 mln teńgege qol jetkizdi.

«Men bul qarajatqa eń aldymen konteıner, súrleıtin oryn, ústel men kondıtsıoner, vakýýdy qaptaǵysh satyp aldym. Tońazytqyshty nesıege aldym. Óz aqshamdy da saldym. Qazir bıznesim aqyryndap órge domalap keledi. Balyq arnaıy súrleıtin orynda 1,5 saǵattyń ishinde ystalady. Sosyn satylymǵa jiberiledi. Sondaı-aq, balǵyn, tuzdalǵan jáne keptirilgen balyqtar da bar. Úsh aýyldasymdy jumysqa aldym», - deıdi kásipker.

Bolashaqta Artem Korobov óńirdegi kólderdiń birin jalǵa almaq nıette.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT