+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

SQO-da aýyl turǵyny balalardyń psıhologııalyq kabınetin ashty

2021 jylǵy 11 naýryz 16:05
Bólisińiz:
SQO-da aýyl turǵyny balalardyń psıhologııalyq kabınetin ashty

PETROPAVL. QazAqparat – Soltústik Qazaqstan oblysynda Saýmalkól aýylynyń turǵyny memleketten qaıtarymsyz grant alyp, psıhologııalyq qoldaý kabınetin ashty, dep habarlaıdy QazAqparat tilshisi.

Uqsas jańalyqtar

SQO kásipkerler palatasy baspasóz qyzmetiniń málimetinshe, Aıyrtaý aýdanynyń ortalyǵy Saýmalkól turǵyny Bıbigúl Meıramova 4 balanyń anasy. Negizgi mamandyǵy – psıholog, bastaýysh synyp muǵalimi bolyp ta eńbek etken. Kásip ashý burynnan oıynda bolǵan. Endi armany oryndalyp otyr.

«2019 jyly «Bastaý Bıznes» baǵdarlamasy boıynsha kýrstan óttim. Kúıeýim ekeýimiz jylqy ósirýmen aınalysamyz dep sheshtik. «Eńbek» baǵdarlamasy aıasynda aýyl sharýashylyǵyn qarjylaı qoldaý qory arqyly jeńildetilgen nesıe – 4 mln teńge aldyq. Bul aqshaǵa 10 jylqy aldyq. Qazir bul ispen kúıeýim jalǵyz ózi esh qıyndyqsyz aınalysady. Sol sebepti men óz janyma jaqyn kásip ashqym keldi», - deıdi Bıbigúl Meıramova.

Áıel bul joly da memlekettiń qoldaýyna júgindi. Aýdandyq kásipkerler palatasy onyń psıhologııalyq qoldaý kabınetin ashý týraly jobasyn qup alyp, bıznes-jospar jasaýǵa kómektesti. Keńesshiler isti bastaǵansha deıin janynan tabyldy.

«Qujattardy durys júrgizý, jeke kásipkerlik ashý, jobany júzege asyrý úshin grant alý, sanıtarlyq talaptarǵa sáıkestik aktisine qol jetkizý – munyń barlyǵy mamandardyń kómegimen júzege asty, sol úshin alǵys aıtamyn. Jeltoqsan aıynda 550 myń teńgege jýyq grant aldym. Ol qarajatqa «Sıqyrly álem» proektsııalyq dızaınnyń baǵdarlamasyn jáne kerek-jaraqty: qummen sýret salýǵa arnalǵan ústeldi, oıynǵa qajet zattardy aldym», - deıdi kásipker.

Jańadan ashylǵan psıhologııalyq qoldaý kabıneti balalar men jasóspirimderge arnalǵan. Munda art, qum, ertegi jáne arnaıy terapııalar boıynsha qyzmet kórsetiledi. Balany damytý úshin, onyń shyǵarmashylyq áleýetin anyqtaý úshin bar jaǵdaı jasalǵan. Al «Sıqyrly álem» baǵdarlamasy arqyly balalar ertegi ishine kirgendeı áser alady.

Bıbigúl Ómirbekqyzynyń kabıneti aýdan ortalyǵyndaǵy saýda oryndarynyń birinde ornalasqan. Maman balany mektepke ázirleý jáne repetıtor qyzmetin de kórsetedi. Bolashaqta bilimin jetildirip, kórsetiletin qyzmet túrlerin de ulǵaıtpaq.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT