+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

SQO-da aýyl kásipkerleri ýchaskelik polıtseıge qyzmettik baspana salýda

2019 jylǵy 7 jeltoqsan 08:37
Bólisińiz:
SQO-da aýyl kásipkerleri ýchaskelik polıtseıge qyzmettik baspana salýda

PETROPAVL. QazAqparat – Soltústik Qazaqstan oblysy Taıynsha aýdanyndaǵy Qaraǵash aýylynda jergilikti kásipkerler 4 balasy bar polıtsııanyń ýchaskelik ınspektoryna qyzmettik baspana salyp jatyr, dep habarlaıdy QazAqparat tilshisi.

Uqsas jańalyqtar
Elordada polıtsııaǵa kómek kórsetken 500-ge jýyq azamat marapattaldy SQO polıtseıleri 7 adamdy órtenip jatqan úıden alyp shyqty Qostanaı oblysynda jol apatynda polıtsııa qyzmetkeri qaza tapty

Oblystyq polıtsııa departamenti baspasóz qyzmetiniń habarlaýynsha, vedomstvo basshysy Marat Tólebaev Petropavldan 180 shaqyrym qashyqtyqta ornalasqan Taıynsha aýdanyndaǵy Abaı aýyldyq okrýginde bolyp, turǵyndarmen kezdesti. Onyń quramyna 4 aýyl kiredi, halyq sany shamamen 1 500 adam.

Kezdesý kezinde oblystyń bas polıtseıi óńirdegi qylmystyq jaǵdaı týraly baıandady. Sondaı-aq, Marat Tólebaev óńirdegi mal urlyǵynyń aldyn alý jáne qylmystyń ashylýy jóninde sóz qozǵap, baǵýsyz júrgen maldyń kesirinen jol apattary bolatynyn da eskertti.

Aýyldyq okrýgte qazir 53 beınebaqylaý kamerasy jumys isteıdi. Polıtsııanyń ýchaskelik ınspektory Rýslan Bekbolatovtyń sózine qaraǵanda, jyl basynan beri 7 qylmys pen 127 ákimshilik quqyq buzýshylyq tirkelgen. Polıtsııa departamentiniń bastyǵy buryn jasalǵan qylmystardy ashý, sondaı-aq mal urlyǵynyń aldyn alý jáne esepte turǵan adamdardyń arasyndaǵy buzýshylyqtar profılaktıkasy boıynsha jumysty kúsheıtýge nusqaý berdi.

Eseptik kezdesý aýdandyq polıtsııa bóliminiń úzdik qyzmetkerleri men okrýg aýmaǵynda quqyqtyq tártipti nyǵaıtýǵa jan-jaqty kómek kórsetken belsendi aýyl turǵyndaryn marapattaýmen aıaqtaldy. Jergilikti polıtsııanyń tehnıkalyq bazasyn nyǵaıtý maqsatynda aýdandyq ákimdik jergilikti polıtsııa bólimine radıostansalardy tabys etti.

Sondaı-aq Marat Tólebaev polıtsııanyń ýchaskelik ınspektoryna salynyp jatqan qyzmettik baspananyń qurylysyn kórdi. Turǵyn úı kóktemde paıdalanýǵa berilmekshi. Ony jergilikti sharýashylyqtardyń biri - «Astyq STEM» JShS óz qarajatyna turǵyzyp jatyr. Aýdany 100 sharshy metrge jýyq qyzmettik úı Qaraǵash aýylynyń ortalyq kóshesinde ornalasqan. Bul úıge 37 jastaǵy polıtsııa kapıtany jubaıymen, tórt balasymen qonystanady. Kóp balaly otbasy otbasy úshin bul kómektiń mańyzy zor jáne adal qyzmeti men tynymsyz eńbegi úshin shaǵyn syı bolmaq.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT