+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

SQO-da aýyl ákimderiniń saılaýyna 218 kandıdat túspek

2021 jylǵy 15 shilde 19:16
Bólisińiz:
SQO-da aýyl ákimderiniń saılaýyna 218 kandıdat túspek

PETROPAVL. QazAqparat – Soltústik Qazaqstan oblysy boıynsha aýdandyq mańyzy bar qala jáne aýyldyq okrýgter ákimderine kandıdattardy tirkeý qorytyndysy shyǵaryldy, dep habarlaıdy QazAqparat tilshisi.

Uqsas jańalyqtar
Taǵy 21 aýylda ákim saılandy Petropavlda qutqarýshylar qıraǵan kóliktiń esigin kesip júrgizýshini alyp shyqty

SQO óńirlik kommýnıkatsııalar qyzmetinde ótken brıfıngte oblystyq saılaý komıssııasynyń tóraǵasy Tilegen Qaskın aýdandyq mańyzy bar qala jáne aýyldyq okrýg ákimderine 218 kandıdattyń tirkelgenin habarlady.

Ákimdikten úmitkerlerdiń 68-i túrli saıası partııalardan túsken. Sonyń ishinde «Nur Otan» partııasynan - 57, «Aýyl» halyqtyq-demokratııalyq patrıottyq partııasynan - 3, «Aq Jol» Qazaqstannyń demokratııalyq partııasynan - 2, «ADAL» saıası partııasynan - 2 jáne Qazaqstan Halyq partııasynan - 4 kandıdat tirkelgen. Qalǵan 150-i ózin-ózi usyndy.

«5 kandıdat Qyzyljar aýdany Býgrov saılaý okrýginde tirkeldi. Taǵy 4 kandıdattan 3 saılaý okrýginde tirkeldi. Ol Esil aýdanynyń Bulaq okrýginde, Qyzyljar aýdanynyń Sokolov okrýginde, Taıynsha aýdanynyń Zelenyı Gaı okrýgterinde. Tirkelgen kandıdattardyń 70-i áıelder», - deıdi Tilegen Qaskın.

Tirkelgen 218 azamattyń barlyǵy da memlekettik kirister organdaryna aktıvteri men mindettemeleri týraly deklaratsııa tapsyrdy jáne eń tómengi jalaqy – 42500 teńge mólsherinde saılaý jarnasyn engizdi.

«Saılaý týraly Konstıtýtsııalyq zańǵa sáıkes 14 shilde saǵat 18:00-den keıin úgit jumystary bastaldy. Ol 24 shilde saǵat 00:00-ge deıin jalǵasady. Úgit materıaldaryn ornalastyrý úshin 80 arnaıy oryn bólindi. Saılaýshylarmen kezdesý úshin 68 úı-jaı bólinip, tıisti keste belgilendi», - deıdi komıssııa tóraǵasy.

Aýmaqtyq saılaý komıssııalary kandıdattardyń 356 senim bildirgen adamdaryn tirkedi, olar saılaý naýqanyn ótkizýge kómektesedi jáne saılaý aldyndaǵy úgitti júrgizedi.

Buǵan deıin SQO-da aýyl ákimderiniń saılaýyna qatysatyn qoǵamdyq baıqaýshylardyń jumysyn úılestirý maqsatynda shtab qurylǵanyn aıtqan edik.



Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT