+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

SQO-da «Ashyq bıýdjetterdiń ınteraktıvti kartasy» engizildi

2019 jylǵy 29 qarasha 09:55
Bólisińiz:
SQO-da «Ashyq bıýdjetterdiń ınteraktıvti kartasy» engizildi

PETROPAVL. QazAqparat – Soltústik Qazaqstan oblysynda «Ashyq bıýdjetterdiń ınteraktıvti kartasy» engizildi. Endi ár turǵyn óńirdegi bıýdjet qarajatynyń maqsatty jumsalýyn baqylaı alady, dep habarlaıdy QazAqparat tilshisi.

Uqsas jańalyqtar
Berdibek Saparbaev: Elimizde 12 mln sharshy metr turǵyn úı paıdalanýǵa beriledi Úkimettiń jumys toby Mańǵystaý oblysynyń turǵyndarymen kezdesedi Shymkentte pırotehnıkalyq zattardy satý jáne saqtaý tártibine baqylaý júrgizý máseleleri talqylandy

«Ashyq bıýdjetterdiń ınteraktıvti kartasy» árkim úshin túsinikti etip jasalǵan. Buryn bólingen qarajat jáne júrgiziletin jumystardyń tehnıkalyq sıpaty, aıaqtalý merzimi týraly aqparatqa qol jetkizý qıyn bolsa, endi munyń bári osy kartada kórsetilgen.

«Memlekettik organdardyń ashyqtyǵyn jáne aqparatqa qoljetimdilikti arttyrýǵa baǵyttalǵan kartada QR Prezıdentiniń Qazaqstan halqyna Joldaýyndaǵy bastamalar tolyǵymen kórinis tapty. Osy baǵytta Departamentpen, oblystyq ákimdikpen birlese aýqymdy jumystar atqaryldy. Qazirgi ýaqytta kartada 1204 bıýdjet jarııalandy, 957 uıym tirkeldi jáne 3 shaǵym kelip tústi. Olardyń barlyǵy memlekettik organdarmen der kezinde qaraldy», - dedi Sybaılas jemqorlyqqa qarsy is-qımyl agenttigi SQO departament basshysynyń birinshi orynbasary Nurlan Jahın.

SQO Sybaılas jemqorlyqqa qarsy qyzmet mamandarynyń habarlaýynsha, ınteraktıvti kartany paıdalanýshydan Petropavl qalasyndaǵy mektepterdiń birinde bólimdik jıyntyq baǵalaý jáne toqsandyq jıyntyq baǵalaý baldarynyń qasaqana kemitilýi, sondaı-aq bylapyt sózderdiń qoldanylýy týraly shaǵym kelip tústi. Múddeli organdar tarapynan resmı jaýap daıyndalyp, ınternet-resýrsqa ornalastyryldy. Aıta ketý kerek, shaǵymda keltirilgen derekter rastalmady.

«Interaktıvti karta azamattyq baqylaý ınstıtýtyn nyǵaıtýdy, sonymen qatar turǵyndardyń bıýdjet qarajatynyń ıgerilý protsesterine aralasý belsendiligin arttyrýdy kózdeıdi. Joba sybaılas jemqorlyq quqyq buzýshylyqtardyń aldyn alýdyń pro-aktıvti úlgisi ekendigin erekshe atap ótemin. Osylaısha memlekettik organdar halyq aldynda esep berip, memlekettik apparat pen turǵyndar arasynda tikeleı, kedergisiz, eń bastysy ashyq dıalog ornaıdy. Sondaı-aq, joba parasatty ınfraqurylym qurýdaǵy mańyzdy qadam», - dep atap ótti Nurlan Jahın.

Aıta ketsek, «Ashyq bıýdjetterdiń ınteraktıvti kartasy» (www.publicbudget.kz) elimizde «Adaldyq alańy» jobasy aıasynda áleýmettik nysandar men ınfraqurylym bıýdjetin paıdalaný tıimdiligin baǵalaý maqsatynda engizildi. Bul - «Qazaqstanda parlamentarızmdi damytý qory» QQ bastamasymen jáne Nıderlandy elshiliginiń qarjylyq qoldaýymen júzege asyryldy.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT