+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

SQO-da alaıaqtar áıeldiń atyna bes bankten 8,5 mln teńge nesıe alǵan

2021 jylǵy 25 qyrkúıek 10:03
Bólisińiz:
SQO-da alaıaqtar áıeldiń atyna bes  bankten 8,5 mln teńge nesıe alǵan

PETROPAVL. QazAqparat – Soltústik Qazaqstan oblysynda polıtseıler bank qyzmetkerimiz dep habarlasyp, áıeldi 8,5 mln teńgege taqyrǵa otyrǵyzǵan alaıaqtardy izdestirip jatyr, dep habarlaıdy QazAqparat tilshisi.

Uqsas jańalyqtar
Atyraýda alaıaq qaıtys bolǵan 5 jasar qyzdy jerleýge aqsha jınamaq bolǵan Almatyda ınternet alaıaqtardy anyqtaıtyn arnaıy top quryldy Almatyda áleýmettik jeli arqyly eldi aldaǵan eki jas jigit ustaldy

SQO polıtsııa departamenti baspasóz qyzmetiniń málimetinshe, Petropavl turǵyny ınternet alaıaqtardyń qurbany boldy. Áıelge belgisiz bireý telefon arqyly habarlasyp, ózin banktiń qaýipsizdik qyzmetiniń qyzmetkerimin dep tanystyrǵan. Ol qala turǵynynyń atyna bireýlerdiń nesıe resimdemek bolyp jatqanyn aıtyp, kómegin usynǵan. Zardap shegýshiniń aıtýynsha, habarlasqan adam óte saýatty, bank termınderin qoldanyp sóılesken. Sol sebepti áıelde kúmán týmaı, aıtqanyn istegen, ıaǵnı 2 mln teńgege nesıe resimdep, ony «qosymsha shotqa» aýdarǵan. Biraz ýaqyttan keıin taǵy bireýi habarlasyp, ol da ózin bank qyzmetkerimin dep tanystyrǵan. Ol da nesıe alǵyzyp, ony jańa shotqa aýdartqan. Osylaısha birneshe ret qaıtalanypty. Qaskúnemderdiń áreketinen áıel bes bankten 8,5 mln teńge nesıe alyp, shyǵyn shekti. Óziniń aldanǵanyn kesh túsingen qala turǵyny polıtseılerge aryzdandy.

Bul derek «Alaıaqtyq» baby boıynsha sotqa deıingi tergep-tekserýdiń biryńǵaı tizilimine engizildi, qazirgi ýaqytta jedel tergeý is-sharasy júrgizilip jatyr.

«Sońǵy kezde «bankten qońyraý shalý» ınternet-alaıaqtyǵy keń taralǵan. Qylmyskerler jurtty telefon arqyly nesıe alýǵa májbúrlep, aqshany belgili bir shotqa aýdartady. Keı jaǵdaıda olar qupııa derekterdi bilýge tyrysady. Bank kartasynyń nómirin, onyń artyndaǵy cvv-kodty jáne sms habarlama arqyly keletin bir rettik kodty bilý jetkilikti. Alaıaqtarǵa jem bolmaý úshin bank qyzmetkerleriniń osylaısha úıge telefon soqpaıtynyn esterińizde saqtańyzdar. Eger esepshotyńyzǵa qatysty qandaı da bir kúmán týsa, birden bankke baryp mán-jaıdy anyqtaǵanyńyz durys», - deıdi SQO PD bastyǵynyń orynbasary Rýslan Nazarov.

SQO-da jyl basynan ınternet alaıaqtyqqa qatysty 499 derek tirkeldi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT