+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

SQO-da 90 jylǵa jýyq tarıhy bar oqý orny jabylyp qaldy

2021 jylǵy 16 shilde 04:10
Bólisińiz:
SQO-da 90 jylǵa jýyq tarıhy bar oqý orny jabylyp qaldy

PETROPAVL. QazAqparat – Soltústik Qazaqstan oblysynda Qyzyljar agrarly-tehnıkalyq kolledji jumysyn toqtatty, dep habarlaıdy QazAqparat tilshisi.

Uqsas jańalyqtar
Pedagogtardyń biliktiligin arttyrý kezeńine qatysty qandaı ózgeris bolady QR BǴM: 173 muǵalim 2021 jyldyń «Úzdik pedagogi» ataǵyna úmitker Shetelde oqıtyn 11 myńnan astam qazaqstandyq elimizdiń JOO aýysty

SQO bilim basqarmasy baspasóz qyzmetiniń málimetinshe, jumysshy mamandyqtardy daıarlap kelgen bilim ordasynyń jabylýyna stýdentterdiń jetispeýshiligi sebep bolǵan.

Sońǵy 10 jylda stýdentter sany 380 adamnan 65-ke deıin qysqarǵan. Byltyr tyǵyryqtan shyǵý úshin 50 adamǵa memlekettik tapsyrys ta berilgen. Alaıda qajetti adamdy qabyldaı almaǵan, óıtkeni jastar arasynda oqý ornyna suranys joq.

«2019 jyldan bastap aýyl kolledjderi adam basyna qarjylandyryla bastady. Alaıda Qyzyljar agrarly-tehnıkalyq kolledji kontıngenttiń az bolýyna baılanysty normatıvten bólek qarjylandyrylyp, bıýdjetke salmaq saldy. Bul kolledjde bir stýdentti oqytý 2 mln teńgege deıin jetti, al adam basyna qarjylandyrý ádisi boıynsha 550 myń teńge shyǵýy tıis. 2021 jyldyń túlekterin eseptemegende munda 28 stýdent ǵana qaldy. Al oqý ǵımaraty 600 orynǵa shaqtalǵan», - deıdi SQO bilim basqarmasynyń baspasóz hatshysy Ásel Orazbaeva.

Mamannyń aıtýynsha, 1935 jyly ashylǵan oqý ornyn saqtap qalý úshin memlekettik-jekeshelik áriptestikke berý jóninde sheshim qabyldanǵan. Alaıda kásipkerler tarapynan qyzyǵýshylyq bolmapty.

«15 shilde kúngi jaǵdaı boıynsha Qyzyljar agrarly-tehnıkalyq kolledjindegi qyzmetkerler sany 53 adam boldy. Onyń 9-y oqytýshy, 5-ýi sheber, ákimshiliktiń 4 múshesi jáne qalǵandary jumysshylar. Qazir olardy jumysqa ornalastyrý máselesi sheshilip jatyr. 22 adamǵa bos jumys oryndary usynyldy. Al 2 kýrstyń 28 stýdenti Petropavldaǵy gýmanıtarlyq-tehnıkalyq jáne qurylys-ekonomıkalyq kolledjderge aýystyryldy», - deıdi Ásel Orazbaeva.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT