+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

SQO-da 600-den astam sheteldik azamat ýaqytsha turýǵa ruqsat aldy

2020 jylǵy 29 qańtar 12:13
Bólisińiz:
SQO-da 600-den astam sheteldik azamat ýaqytsha turýǵa ruqsat aldy

PETROPAVL. QazAqparat – Soltústik Qazaqstan oblysynda ýaqytsha turýǵa ruqsat alatyn sheteldik azamattardyń basym bóligi – reseılikter, olar óńirge negizinen jumys isteý úshin keledi, dep habarlaıdy QazAqparat tilshisi.

Uqsas jańalyqtar
Kólik polıtsııasy kóshi-qon zańnamasyn buzǵan 200-ge jýyq sheteldikti jaýapqa tartty Qazaqstan 14 elmen zańsyz kóshi-qonǵa qarsy birlesken kelisimge kelmek Kóshi-qon zańnamasyn buzǵan Tájikstannyń úsh azamaty elden shyǵaryldy

SQO polıtsııa departamenti baspasóz qyzmetiniń málimetinshe, bıyl sheteldik azamattardyń 669-yna elde ýaqytsha turýǵa ruqsat berilse, solardyń 389-y kóshi-qon qyzmetine jumys berýshilerinen eńbek kelisimsharty men qoldaýhat ákelgen. Bul qujattar jumys isteýge kelgen sheteldikterge ýaqytsha turýǵa ruqsat alý úshin qajet.

Reseıden kelgen 217 azamat otbasylarymen qosylý úshin ýaqytsha turý ruqsatyn alǵan. Solardyń biri – Aleksandr Sırenko. Onyń áıeli men balasy Qazaqstan azamaty, Mamlıýtka qalasynda turady. Shańyraq qurǵandaryna 7 jyl bolǵan. 36 jastaǵy azamat múgedekter arbasyna tańylǵan. Sol sebepti júrip-turýy qıyn. Bul joly reseılik ruqsat qaǵazdy eshqaıda barmaı-aq jedel aldy.

«Kóshi-qon qyzmetine barýdyń da qajeti bolmady, tártip saqshylary qujatty áıelimnen berip jiberdi. Sol úshin alǵysym sheksiz. Zańdaǵy ózgeristerge baılanysty endi sabylýdyń qajeti joq. Otbasymnyń qasynda bolý úshin qaıta-qaıta tirkelip, Reseıge barmaımyn», - deıdi Aleksandr Sırenko.

SQO-nyń bilim berý mekemelerinde oqyp jatqan 57 sheteldikke de Qazaqstanda ýaqytsha turý ruqsaty berildi.

«11 qańtar kúni kóshi-qon zańnamasyna ózgerister endi. Budan bylaı oqýǵa, jumys isteýge, emdelýge, otbasymen qosylýǵa kelgender jáne bıznes-ımmıgranttar elimizde bir jylǵa deıin ýaqytsha turýǵa ruqsat ala alady», - deıdi SQO PD kóshi-qon basqarmasy bastyǵynyń orynbasary Ermek Núsirbaev.

Mamannyń aıtýynsha, ýaqytsha turý ruqsatyn almaǵan sheteldiktiń Qazaqstan Respýblıkasynda ýaqytsha bolý merzimi memlekettik shekaradan ótken kúnnen bastap kúntizbelik 30 kúnnen aspaýy kerek, ár kúntizbelik 180 kúnniń ishinde 90 kúntizbelik kúnnen aspaýy tıis. Sheteldik elde 30 kúnnen artyq tursa, qabyldaýshy jaq qonaqqa ýaqytsha turýǵa ruqsat resimdeýge mindetti.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT