SQO-da 6 myń jas jumyspen qamtylady
2022 jylǵy 13 tamyz 11:57

SQO-da 6 myń jas jumyspen qamtylady

PETROPAVL. QazAqparat – Soltústik Qazaqstan oblysynyń ákimi Qumar Aqsaqalov áleýmettik jelidegi paraqshasynda jyl sońyna deıin óńirde 6 myń jas jumyspen qamtylatynyn jazdy, dep habarlaıdy QazAqparat tilshisi.

Oblys ákiminiń málimetinshe, Eńbek jáne halyqty áleýmettik qorǵaý mınıstri Tamara Dúısenovamen kezdesýde soltústikqazaqstandyqtardyń tabysyn arttyrý jáne olardy jumyspen qamtý máselesi talqylandy.

«Bizdiń oblysta bıyl 13 myń jumys ornyn qurý josparda bar. Búgingi kúnge deıin 11 myń jumys orny quryldy. Onyń 72%-i turaqty jumys oryndary.

Jastardy eńbekpen qamtý «alǵashqy jumys orny», «jastar tájirıbesi» jáne «urpaqtar kelisimsharty» jobalary aıasynda júzege asýda. Jyl basynan beri 3,5 myńnan astam jas jumysqa ornalastyryldy. Jyl sońyna deıin bul mejeni 6 myńǵa deıin jetkizemiz.

Kásipkerlikti damytýdyń Ulttyq jobasynyń aıasynda turǵyndardy jumyspen qamtý úshin qarjylandyrý 4 ese ósti, 1,4 mlrd. teńgeden 6 mlrd. teńgege deıin», -dep jazdy Q.Aqsaqalov.

T.Dúısenova kásipkerlermen kezdesýde elimizdiń eńbek kúshi artyq óńirlerinen azamattardy kóshirý baǵdarlamasyndaǵy ózgerister týraly, jastarmen jáne úkimettik emes uıymdardyń ókilderimen – jumyspen qamtý jáne memlekettik qoldaý máselelerine toqtaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT