SQO-da 57 jastaǵy áıel ómirinde birinshi ret oqý bitirip, mamandyq alyp shyqty
2022 jylǵy 30 maýsym 20:55

SQO-da 57 jastaǵy áıel ómirinde birinshi ret oqý bitirip, mamandyq alyp shyqty

PETROPAVL. QazAqparat – Soltústik Qazaqstan oblysynda jazasyn ótep jatqan 100-den astam sottalǵan búgin kolledjdi támamdap, qoldaryna dıplom aldy, dep habarlaıdy QazAqparat tilshisi.

SQO boıynsha qylmystyq-atqarý júıesi departamenti baspasóz qyzmetiniń málimetinshe, ES-164/6 mekemesinde jazasyn ótep jatqan áıelder Petropavl kásiptik kolledjinde, Soltústik Qazaqstan jeke daıarlaý jáne servıs kolledjiniń fılıaldarynda jańa mamandyq meńgerýge múmkindik alǵan.

Sottalǵandar dıplom alǵannan keıin kolonııa aýmaǵyndaǵy kásiporyndarǵa jumysqa ornalasady.

Eńbek naryǵynda suranysqa ıe mamandyqty meńgergen olar bostandyqqa shyqqannan keıin de qıyndyqsyz eńbekke aralasa alady.

Máselen, áıelder kolonııasynda «tiginshi» mamandyǵy boıynsha bilim alǵan sottalǵan Natalıa jazasyn ótep shyqqannan keıin Petropavldyń ortalyǵynda tigin tsehyn ashty.

Qazir onda buryn sottalǵan 10-nan astam áıel jumys istep jatyr.

Bul kúni 57 jastaǵy Marııaǵa arnaıy orta bilim týraly dıplom berildi. Ol - osy jyldyń eń jasy úlken túlegi.

«Byltyr urlyq úshin 3,5 jylǵa sottaldym. Bostandyqta júrgende bilimdi qajet etpeıtin jumysta júrdim. Sondyqtan men bilim alý týraly oılanbadym da. Munda kelip, oqýǵa, bilim alýǵa ýaqyt keldi dep sheshtim. «Tiginshi» mamandyǵyn meńgerdim. Bilim alý eshqashan kesh emes», - deıdi Marııa.

SQO boıynsha QAJD ES-164/3 jáne 6 mekemelerinde sottalǵandardy tas qalaýshy, qaptaýshy, sylaqshy-syrlaýshy, dánekerleýshi, tiginshi, qurylys jáne árleý jumystarynyń sheberleri, shashtaraz-modeler, landshaftyq dızaıner jáne basqa suranysqa ıe mamandyqtar boıynsha oqytady.

Búgin 100-den astam sottalǵan, 57 áıel, 64 er adam saltanatty jaǵdaıda orta arnaıy bilim týraly memlekettik úlgidegi dıplom aldy.

Sońǵy 5 jylda Petropavl kásiptik kolledjin ǵana 650-den astam sottalǵan bitirip shyqty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT