+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

SQO-da 515 adam suranysqa ıe mamandyqtarǵa qaıta oqytyldy

2021 jylǵy 17 tamyz 22:55
Bólisińiz:
SQO-da 515 adam suranysqa ıe mamandyqtarǵa qaıta oqytyldy

PETROPAVL. QazAqparat – Soltústik Qazaqstan oblysynda Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda 515 adam eńbek naryǵynda suranysqa ıe mamandyqtarǵa qaıta oqytyldy, dep habarlaıdy QazAqparat tilshisi.

Uqsas jańalyqtar
SQO-da eki basqarmaǵa jańa basshy taǵaıyndaldy SQO-da ótken táýlikte koronavırýstan 5 adam qaıtys boldy SQO-da para alǵan basqarma basshysy men oǵan para bergen adam da jazalandy

SQO jumyspen qamtýdy úılestirý jáne áleýmettik baǵdarlamalar basqarmasynyń málimetinshe, «Eńbek» memlekettik baǵdarlamasy aıasynda jumyssyz azamattar úshin qysqa merzimdi kásiptik oqytý kýrstary uıymdastyrylǵan. Bul jerde turǵyndar eńbek naryǵynda suranysqa ıe mamandyqtardy ıgerip shyǵady.

Jyl basynan Halyqty jumyspen qamtý ortalyqtary 515 adamdy oqýǵa jiberse, sonyń ishinde 255 adam búginde asa suranysqa ıe qurylys mamandyǵyn alyp shyqqan.

Solardyń biri Andreı Obýhov baǵdarlamanyń birinshi baǵytyna qatysýshy. Ol naýryz-maýsym aıynda Petropavl qurylys-ekonomıkalyq kolledjindegi ortalyqta «elektrgazben dánekerleýshi» mamandyǵy boıynsha kásibı daıarlyqtan ótti. Jataqhanada tegin turyp, shákirtaqy aldy, júrgen joly úshin ótemaqy berildi. Qazir ol Astrahanka aýylyndaǵy jeke kásipkerlikterdiń birinde dánekerleýshi bolyp eńbek etip jatyr.

Al Tımırıazev aýdany Aqsýat aýylynyń turǵyny Tamara Chereneva halyqty jumyspen qamtý ortalyǵynyń kómegimen úsh aılyq kýrstan ótti. Nátıjesinde «áleýmettik qyzmetker» mamandyǵyn alyp shyqty.

«Buǵan deıin qansha ýaqyt jumyssyz otyrdym. Memlekettik baǵdarlamanyń men sııaqty turǵyndarǵa kómegi zor. Jańa mamandyqty tegin alasyń, oǵan qosa úsh aı boıy oqyǵan ýaqytyńa shákirtaqy tólenedi. Keıin jumysqa ornalasýyńa kómektesedi. Alǵysym sheksiz», - deıdi Tamara Chereneva.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT