+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

SQO-da 38 úı ortalyqtandyrylǵan jylý júıesine qosylady

2019 jylǵy 21 jeltoqsan 05:34
Bólisińiz:
SQO-da 38 úı ortalyqtandyrylǵan jylý júıesine qosylady

PETROPAVL. QazAqparat – Soltústik Qazaqstan oblysyndaǵy eldi mekenderdegi eki qabatty úıler ortalyqtandyrylǵan jylý júıesine qosylady.

Uqsas jańalyqtar
Nurlan Noǵaev Atyraý oblysynyń energııa júıesi nysandaryn aralady Elektr energııasyna 1 teńge qaryz bolsa, jaryqtan ajyratyla ma Bıyl gazdandyrý deńgeıi 50 paıyzdan asýy tıis - Roman Sklıar

Osyǵan qaraı keler jyly aýdan ortalyqtarynda 12 bıoqazandyq ornatylmaq, dep habarlaıdy QazAqparat tilshisi.

Aýdan ortalyqtaryndaǵy eki qabatty úıler toqsanynshy jyldary jylý júıesinen ajyratyldy. Turǵyndarǵa páterlerine pesh salyp alýdan basqa amal qalmady.

SQO ákimi baspasóz qyzmetiniń málimetinshe, qazir óńirde osyndaı eki qabatty 38 úı bar. Onda 1200 adam turyp jatyr.

Lıýbov Nıkıtına Esil aýdanyndaǵy ıAvlenka eldi mekeniniń turǵyny. Oblys ákimi Qumar Aqsaqalovtyń jeke qabyldaýyna kelip, kórshileriniń bazynasyn jetkizdi.

«Meniń úıim ortalyq jylý júıesine qosylǵan, baspanamyz óte jyly. Al kórshilerim qıyndyq kórip otyr. Eki qabatty úılerine otyn-kómirdi kirgizip jaǵady. Kóbi egde jastaǵylar, olarǵa pesh jaǵý, kúl shyǵarý qıyn», - deıdi Lıýbov Nıkıtına.

Oblys ákimi Qumar Aqsaqalov ta kezinde eki qabatty úıde turǵan eken. Sondyqtan oǵan turǵyndardyń máselesi jaqsy tanys. Bul jaıynda ol óziniń áleýmettik paraqshasynda jazba qaldyrdy.

«Aýdan ortalyǵyndaǵy eki qabatty úıde turǵanmyn. Sol sebepti turǵyndardyń ásirese qys ýaqytynda qandaı qıyndyqtardy bastan keshiretinin bilemin. Toqyraý jyldary bul úıler ortalyqtandyrylǵan jylý júıesinen ajyratyldy. Endi olardy qaıtadan qalypqa keltirý kerek», - dep jazdy Qumar Aqsaqalov.

Qazir ıAvlenka eldi mekeninde eki qabatty bir úı, aýdandyq aýrýhana men ákimshilik ǵımarat ortalyqtan jylytylady. Qalǵandary keler jyly qosylmaq. Oblysta eki qabatty ǵımarattardy jylý júıesine qosýdy maqsat etken baǵdarlama júzege asyrylady. Jobaǵa birinshi kezekte ıAvlenka, Sergeevka, Talshyq, Aryqbalyq eldi mekenderi qatysady. Jalpy óńir boıynsha 12 bıoqazandyq ornatý josparlanǵan. Sabanmen jylytatyn bul peshterdi alystan satyp ákelýdiń qajeti joq. Bıoqazandyqtar óndirisin jergilikti zaýyt jolǵa qoıdy.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT