Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 383.43 EUR 429.83
RUB 5.96 CNY 55.39
Jańalyqtar

SQO-da 38 azamattyń oralman mártebesi uzartyldy

2019 jylǵy 22 mamyr 17:11 604
Bólisińiz:
SQO-da 38 azamattyń oralman mártebesi uzartyldy

NUR-SULTAN. QazAqparat - SQO polıtseıleri 38 azamattyń oralman mártebesin qalpyna keltirýge kómektesti, dep habarlaıdy QazAqparat tilshisi. 

SQO-da oralman mártebesiniń merzimi ótip ketken 89 adam turady. Olardyń basym bóligi Qyzyljar aýdanynyń Báıterek aýylynda. SQO Polıtsııa departamentiniń kóshi-qon qyzmeti basqarmasynyń qyzmetkerleri atalmysh aýylǵa baryp, qandastardyń máselelerin sheship bergen.

«Kóshi-qon týraly» zańǵa sáıkes, oralman mártebesi bir jylǵa beriledi. Mártebe merzimi ótip ketkennen keıin ary qaraı azamattyq alýda qıyndyqtar týyndaıdy. Eń aldymen buryn turǵan eldiń azamattyǵynan shyǵyp, Qazaqstan aýmaǵynda 5 jyl turý kerek. Bul qıynshylyqtardan mártebeni uzartý týraly arnaıy aktsııa aıasynda aınalyp ótýge bolady. Ol naýqannyń mán-jaıyn bizdiń qyzmetkerler túsindirip beredi», - deıdi SQO DP kóshi-qon qyzmeti basqarmasynyń bastyǵy Talǵat Ábilov.

Mártebeni uzartý sebebi ártúrli: keı azamattardyń týǵan-týystary shetelde qalyp jatsa, keıbiriniń múlik boıynsha máseleleri sheshilmegen. Quqyq qorǵaýshylar azamattarǵa Elbasynyń tapsyrmasy negizinde jyl sońyna deıin ýaqyty ótip ketken oralman mártebesin uzartýǵa múmkindik berilip otyrǵanyn, jeńildetilgen tártipte Qazaqstan azamattyǵyn alý máselesin sheshýge bolatynyn túsindirip bergen. Barlyq otbasyǵa qandaı qujattar kerektigi túsindirilgen.
SQO-da 38 azamattyń oralman mártebesi uzartyldy 

«Kóshi-qon qyzmetiniń toptary mundaı jumystardy aýdandarda kún saıyn júrgizip keledi. Osynyń arqasynda 89 adamnyń 41-niń oralman mártebesiniń ýaqytyn uzartyldy. Onyń 38-i Qazaqstan azamattyǵyn alýǵa ótinish bildirip otyr», - deıdi ol.

SQO DP kóshi-qon qyzmeti basqarmasynyń bastyǵy Talǵat Ábilov oralman mártebesin uzartý úshin SQO jumyspen qamtý jáne áleýmettik baǵdarlamalardy úılestirý basqarmasyna barý kerektigin aıtady. Basqarma oblys ortalyǵynda ornalasqan. Barlyq suraqtar boıynsha 8-7152-463-743 nómirine habarlasýǵa bolady. Osydan keıin kóshi-qon qyzmetine habarlaspy, jeńildetilgen tártipte azamattyq alý týraly keńes alýǵa bolady. Qosymsha aqparatty SQO DP kóshi-qon qyzmeti basqarmasynyń 8 (1752) 34-00-35 nómirinen alýǵa bolady.

Eske sala ketsek, osy jyldyń 16 naýryzynda elimizde azamattyqty jeńildetilgen tártippen alý úshin oralman mártebesin 2019 jyldyń 31 jeltoqsanyna deıin uzartý týraly sheshim qabyldanǵan bolatyn. Osylaısha, mártebesi aıaqtalǵan oralmandar ony uzartý úshin jergilikti atqarýshy organdarǵa jáne qazaqstandyq azamattyǵyn jeńildetilgen tártippen alý úshin ishki ister organdaryna júgine alady.

 

 

 

Bizdiń kanalymyzǵa jazylyńyz:

Bólisińiz:

Aýdarma:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059
MURAǴAT