+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

SQO-da 265 adam qyzylshaǵa qarsy egilýden bas tartty

2019 jylǵy 26 qyrkúıek 21:23
Bólisińiz:
SQO-da 265 adam qyzylshaǵa qarsy egilýden bas tartty

PETROPAVL. QazAqparat – Soltústik Qazaqstan oblysynda turǵyndarǵa qyzylsha men qyzamyq aýrýlaryna qarsy qosymsha ekpe jasalyp jatyr, dep habarlaıdy QazAqparat tilshisi.

Uqsas jańalyqtar
Bas sanıtarlyq dáriger qyzylshanyń jańa vırýsynan saqtanýǵa shaqyrdy Sádýaqas Baıǵabylov qyzylshadan kóz jumǵan 13 balaǵa qatysty pikir bildirdi Bekshın ata-analardyń vaktsınatsııadan bas tartý sebebin aıtty

Vaktsına buǵan deıin ekpe alǵanyn qaramastan 20 men 29 jastaǵy soltústikqazaqstandyqtarǵa salynyp jatyr. Immýndaýdan tek 2018 jyldyń qarashasynan bastap qyzylsha, qyzamyq jáne parotıtke qarsy ekpe alǵandar jáne júkti áıelder ǵana bosatylady.

«Respýblıka aýmaǵynda qyzylshamen aýyrǵandar sanynyń azaımaýyna baılanysty qosymsha ımmýndaý júrgizilip jatyr. Máselen SQO-da juqpaly aýrýmen bıyl 280 adam aýyrǵan. Qyzamyqty juqtyrǵandar tirkelgen joq. Qyzylshamen aýyrǵandardyń basym bóligi 20-29 jastaǵy turǵyndar jáne ekpe alýǵa áli ýaqyty kelmegen 1 jasqa deıingi náresteler», - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.

SQO densaýlyq saqtaý basqarmasy baspasóz qyzmetiniń málimetinshe, bıyl qyzylsha men qyzamyqqa qarsy 51,2 myń dana vaktsına satyp alyndy. Bul maqsatqa 14,7 mln teńge jumsaldy. 46,5 myń adamǵa ekpe jasaý josparlanǵan.

Mamandardyń aıtýynsha, turǵyndardyń keıbiri vaktsına qoıǵyzýǵa qarsy. Biri - dinı senimine qatysty bas tartsa, endi biri ınternette taraǵan jaǵymsyz aqparatty negizge alǵan. Osylaısha ekinshi toqsanda ekpeden 265 adam bas tartqan.

Vaktsınatsııalaý oblys aýdandary men Petropavl qalasynyń barlyq egý pýnktterinde (medıtsınalyq uıymdar, joǵary jáne orta arnaýly oqý oryndary) egýdi júrgizýge ruqsat sertıfıkaty bar jáne oqytylǵan medıtsına qyzmetkerlerimen júrgiziletin bolady.

Sanıtarlyq dárigerler qyzylsha men qyzamyq kóbinese aýa arqyly taralatyn juqpaly vırýstyq aýrýlarǵa jatady. Qyzylsha asqynǵan jaǵdaıda arty bronhıtke, pnevmonııaǵa ulasyp, keratıtter, otıtter, sınýsıtter, pıelonefrıtter bolýy múmkin. Eń aýyr túrinde entsefalıt jáne panetsefalıtke aparady, ıaǵnı mı zaqymdanyp, onyń belgileri tek bir jyldan keıin ǵana shyǵa bastaıdy.

Qyzylsha ásirese, júkti áıelderge qaýipti. Júktiliktiń birinshi trımestrinde jatyr ishilik qyzamyq vırýsyn juqtyrǵan bolsa, balada týa bitken aqaýlar: júrek aýrýlary, kózdiń zaqymdanýy, estýdiń tómendeýi, aqyl-oı damýynyń tejelýi paıda bolady.

Dárigerler qyzylshaǵa jáne qyzamyqqa qarsy arnaıy emdeýdiń joqtyǵyn eskertedi. Bul juqpaly aýrýlardan qorǵanýdyń birden-bir tıimdi tásili – ekpe alý. Qyzylsha men qyzamyqqa qarsy josparly egý 1 jáne 6 jastaǵy balalarǵa júrgiziledi.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT