+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

SQO-da 18 aqyn úzdik ataný úshin aıtysýda

2019 jylǵy 8 jeltoqsan 18:36
Bólisińiz:
SQO-da 18 aqyn úzdik ataný úshin aıtysýda

PETROPAVL. QazAqparat – Soltústik Qazaqstan oblysynda Qazaqstan Respýblıkasynyń Táýelsizdigi kúnine arnalǵan «Qyzyrly Qyzyljar – qut besik» atty oblystyq aqyndar aıtysy ótip jatyr, dep habarlaıdy «QazAqparat» HAA tilshisi.

Uqsas jańalyqtar
Álemdik deńgeıdegi opera teatrlarymen terezemiz teń - Azamat Jyltyrkózov Oralda Juban aqynǵa eńseli eskertkish ornatyldy Aqjaıyqta Juban ortalyǵy ashyldy

Oblys ákiminiń orynbasary Rýslan Álishev aımaqta oblystyq aqyndar aıtysy birneshe jyl ótkizilmegenin atap ótti. Aqyndar úshin mundaı sharanyń mańyzy zor.

«Bul aımaq pen mádenıet salasy úshin úlken shara bolyp otyr. Aıtys – qazaq halqynyń entsıklopedııasy, jas aqyndardyń qabiletin damytatyn, olardy tárbıelep, rýhanı nár syılaıtyn mektep. Soltústik Qazaqstanda aıtysqa úlken mán berýde. Oblys ákimi Qumar Aqsaqalovtyń tapsyrmasy boıynsha mádenıetti damytý jospary ázirlendi, onda ulttyq óner negizgi mindetter qatarynda tur. Oblystyq, respýblıkalyq jáne halyqaralyq aıtystar ótkizemiz», - dep atap ótti R.Álishev.

Aıtysqa 18 aqyn qatysady. Onyń ekeýi – qyzdar. Qatysýshylardyń jas mólsheri – 15-ten 60 jasqa deıin.

«Keıbir aýdandardan 2-3 aqynnan qatysady. Aıtys 5-6 saǵatqa sozylady. Jerebe tastaldy. Bas júlde ıegeri 300 myń teńge alsa, birinshi orynǵa – 200 myń teńge, ekinshi orynǵa – 150 myń teńge, al úshinshi orynǵa – 100 myń teńge tigilgen», - dedi qazaq tili bóliminiń ádiskeri, «QR mádenıet salasynyń úzdigi» qurmetti belgisiniń ıegeri Tańat Beısenbaev.

Qazylar alqasynyń qatarynda M.Qozybaev atyndaǵy SQMÝ professory, Qazaqstannyń eńbek sińirgen qaıratkeri Zarqyn Taıshybaı, atalǵan ýnıversıtettiń akademııalyq máseleler jónindegi prorektor mindetin atqarýshy, fılologııa ǵylymdarynyń kandıdaty, dotsent Janar Talaspaeva, «Egemen Qazaqstan» respýblıkalyq gazetiniń menshikti tilshisi Jaqsybaı Samrat jáne basqalary bar.

Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT